AMUDARYoDA IKKI NAFAR FUQARONING HOVLISI EShIGIGA MAXSUS BELGI OʻRNATILDI
Mamlakatimizning bugungidek milliy taraqqiyotga erishishida fidoyi mehnat qilgan insonlarni har qancha eʼzozlash, qadrlash oʻrinlidir. Boisi ular bugungi farovon turmushimizning bunyodkorlari, maslahatgoʻyimiz, suyanchimiz.
Mamlakatimizning iqtisodiyot, ishlab chiqarish, ilm-fan, madaniyat, taʼlim, sogʻliqni saqlash va boshqa sohalarda uzoq yillar samarali mehnat qilgan nafaqa yoshidagi yurtdoshlarimizni, shuningdek, ishlamasdan, hayotini oilalar mustahkamligini saqlash, yosh avlodni ona Vatanga muhabbat, istiqlol gʻoyalariga sadoqat ruhida tarbiyalash ishiga munosib hissa qoʻshgan onaxonlarimizni taqdirlash maqsadida muhtaram Yurtboshimiz “Nuroniy” jamgʻarmasi faoliyatini yanada takomillashtirish chora-tadbirlari toʻgʻrisida”gi Farmoniga asosan “Mehnat faxriysi” koʻkrak nishoni taʼsis etilgani ham yurtimizda mehnat faxriylariga koʻrsatilayotgan hurmat-ehtirom ifodasidir.
Tumanimizdan ham ikki nafar fuqaro ana shu koʻkrak nishoniga loyiq koʻrilgan, Navroʻz bayrami arafasida tantana suratda ularga nishon topshirilgan edi.
“Mehnat faxriysi” koʻkrak nishoni bilan taqdirlanganlarning biri Qangli ovulida istiqomat qiluvchi 11 nafar farzandni elu yurtga munosib qilib voyaga yetkazgan, butun umr paxtachilik sohasida mehnat qilib, ayni kunda nafaqada, farzandlari, nevaralari ardogʻida keksalik gashtini surayotgan Shukurjon Qoʻnoqova edi.
Shu yilning 24-iyulida “Nuroniy” jamgʻarmasi tuman boʻlinmasi raisi B.Ollamberganov, Fuqarolarning oʻzini oʻzi boshqarish organlari faoliyatini muvofiqlashtirish boʻyicha tuman Kengashi raisining keksalar va faxriylar ishlari boʻyicha muovini R.Oʻrozboyevlar onaxon yashaydigan hovli eshigiga “Bu yerda III darajali “Mehnat faxriysi” koʻkrak nishoni bilan taqdirlangan fuqaro Qoʻnoqova Shukurjon istiqomat qiladi”, deya yozilgan belgi oʻrnatdilar.
Tumanimizning Boʻzyop ovulida istiqomat qiluvchi, paxtachilik sohasida uzoq yillar samarali mehnat qilgan, III darajali “Mehnat faxriysi” koʻkrak nishoni bilan taqdirlangan Tojiboy Boltaboyevning hovlisi eshigiga ham 26-iyul kuni ana shunday belgi qoʻyildi.
Bu halol va samarali mehnat qilgan insonlarga hurmat – ehtirom ifodasidir.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
