QURUVChILAR KUNI NIShONLANDI
Istiqlol sharofati bilan yurtimiz yanada koʻrkamlashdi. Bepoyon dalalarda jannatmakon bogʻlar yaratilib, shahar va qishloqlarda koʻrkam binolar qad rostladi. Mana shu barpo etilayotgan koʻrkam bino va inshootlar diyorimiz qiyofasini oʻzgartirib, koʻrkiga koʻrk qoʻshmoqda.
Mamlakatimizning yanada obod boʻlishi yoʻlida fidokorona mehnat qilib kelayotgan qurilish sohasi xodimlarining bu boradagi xizmatlari beqiyos, desak aslo mubolagʻa boʻlmaydi.
Yurtimizning yanada fayzli va goʻzal maskanga aylanishida qurilish sohasi xodimlarining ham munosib hissalari bor. Davlatimiz rahbari Sh.Mirziyoyev ham soha xodimlariga yoʻllagan tabrigida “Biz sizlarning timsolingizda mehnati bilan shahar va qishloqlarimizda, butun yurtimizda yangi ishlab chiqarish korxonalari, muhim ijtimoiy obʼektlar, muhtasham uy-joylar, yoʻl va koʻpriklar barpo etib, hayotimizni yanada obod, goʻzal va tarovatli etish yoʻlida fidokorona mehnat qilib kelayotgan olijanob kasb egalarini koʻramiz”, deya alohida eʼtibor qaratganlari bejiz emas.
Tumanimizda ham aholi uchun uy-joylar, taʼlim va tarbiya maskanlari, maishiy xizmat koʻrsatish obʼektlari, yoʻllar qurilib, taʼmirlanmoqda. Joriy yilda tumanimizda ish olib borayotgan qurilish tashkilotlaridan “Amudaryo maxsus qurilish”, “Jumurtov tex Taʼmir Servis”, “Mangʻit Invest Maksimum”, “Qurilish xizmat”, “Amudaryo SKB”, “Mangʻit ideal qurilish” kabi qurilish tashkilotlari tomonidan koʻp qavatli uy-joylar, maktab va maktabgacha taʼlim muassasalari, suv inshootlari hamda yoʻllar qayta taʼmirlanib, rekonstruktsiya ishlari olib borildi. Shuningdek, Nazarxon ovuli va Qipchoq shaharchalari olib borilayotgan ulkan bunyodkorlik ishlari natijasida obod va koʻrkam goʻshaga aylanmoqda.
Tumandagi ulkan bunyodkorlik ishlarida hissa qoʻshib kelayotgan soha xodimlari Prezidentimiz tashabbusi bilan belgilangan quruvchilar kunini koʻtarinki kayfiyat bilan nishonladilar.
O.XUDOYBERGANOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
