Paxta yigʻim-terimida fidoyi yoshlar taqdirlandi
Bugungi kunda yoshlar jamiyatimizning eng asosiy kuchi hisoblanadilar. Ularning faolligi, birdamligi davlatimiz ravnaqiga katta hissa boʻlib qoʻshilayapti, desak mubolagʻa boʻlmaydi. Yoshlar ittifoqi tom maʼnoda har bir sohada oʻzlarini namoyon qilayotgan yoshlarni qoʻllab-quvvatlab, ragʻbatlantirib kelmoqda.
Jumladan, Oʻzbekiston Yoshlar ittifoqining Amudaryo tuman Kengashi qoshida tuzilgan “Fidoyi yoshlar otryadi” aʼzolari paxta yigʻim-terimida faol ishtirok etishdi va munosib taqdirlandilar.
Joriy yilning 30-sentyabr kuni “Fidoyi yoshlar otryadi” tumanimizdagi Toʻlqin ovuli paxtakorlariga yordamga chiqishdi. Otryad tarkibidagi ilgʻor terimchi qizlar faolligi bilan barchaga oʻrnak boʻldi. Ulardan Gulasal Rustamova 165 kg. paxta terib 3-oʻrinni, Nargiza Yoʻldosheva 171 kg. terib 2-oʻrinni va Raʼno Chorshamova 184 kg. paxta terib, birinchi oʻrinni egalladilar.
Musobaqa sovrindorlari va unda qatnashgan barcha terimchilarga Yoshlar ittifoqi tuman Kengashi tomonidan qimmatbaho sovgʻalar berildi. Umuman olganda, tumanimiz yoshlari fan, adabiyot va sanʼat, sportdan tashqari, jamoat ishlarida ham tashabbus bilan chiqayotganliklari tahsinga loyiqdir.
Oxunjon Abdullayev.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
