Yuqumli kasalliklarning oldini olish boʻyicha olib borilayotgan profilaktik chora-tadbirlar samara bermoqda
Yuqumli kasalliklar inson salomatligi uchun jiddiy xavf hisoblanadi. Shuning uchun bunday kasalliklarning oldini olish maqsadida bola tugʻilganidan boshlab, belgilangan yoshlarda tegishli preparatlar bilan emlanadi.
Tumanimizda oʻtgan davr mobaynida oʻta xavfli yuqumli kasalliklar va boshqariladigan infektsiyalardan shol, boʻgʻma, qoqshol, qizamiq, qizilcha, virusli gepatit “V” kasalliklari qayd qilinmadi. Aholi orasida yuqumli kasalliklar, yaʼni virusli gepatit, OIV, botulizm, quturish kasalliklari va boshqalarning oldini olish boʻyicha tuman Davlat sanitariya markazi xodimlari tomonidan uyma-uy yurib, tushuntirish ishlari oʻtkazilmoqda. Qrim-Kongo gemorragik isitma kasalligi va boshqa uy hayvonlari, parrandalar orqali yuqishi mumkin boʻlgan yuqumli kasalliklar toʻgʻrisida ham mahallalarda, taʼlim-tarbiya muassasalarida, obʼektlarda keng qamrovli tushuntirish-targʻibot ishlari olib borilmoqda.
Yuqumli kasalliklarning oldini olish maqsadida tumandagi barcha davolash va davolash-profilaktik tibbiyot muassasalarida sanitariya-gigiyena qoidalariga amal qilinishi, dezinfektsiya va sterilizatsiya rejimining saqlanishi, kasalxona ichki infektsiyalarining kelib chiqishi kabilarning oldini olish maqsadida markaz tomonidan keng qamrovli profilaktik ishlar amalga oshirib borilmoqda. Markaziy shifoxona, qishloq oilaviy poliklinikalari va vrachlik punktlarida, hatto xususiy shifxonalarda ham doimiy nazorat oʻrnatilgan boʻlib, sanitariya holati muntazam tekshirilmoqda. Shuningdek, aholiga xizmat koʻrsatiladigan sartaroshxona, goʻzallik saloni va boshqa maishiy obʼektlarda ham sanitariya-gigiyena talablarining bajarilishi doimiy ravishda nazorat qilinmoqda.
Nigora Eshimova, tuman DSENM sanitariya- gigena boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
