Aholini sifatli va xavfsiz oziq-ovqat mahsulotlari bilan taʼminlash maqsadida sanitariya-targʻibot ishlari olib borilmoqda
Ekologik muhitni asrash, ochiq suv manbalari, tuproq va atmosfera havosi ifloslanishining oldini olish borasida tuman Davlat sanitariya epidemiologiya nazorat markazi tomonidan keng koʻlamli ishlar muntazam davom ettirib borilmoqda.
Markaz tomonidan jami 768 ta obʼekt, shundan 107 tasi kommunal-gigiyena, 159 tasi sanoat korxonalari, 132 tasi bolalar va oʻsmirlar muassasalari, 370 tasi ovqatlanish, oziq-ovqat ishlab chiqarish va savdo doʻkonlari sifatida hisobga olingan. Barcha obʼektlarda tegishli qoidalar asosida muntazam ravishda sanitariya nazorati oʻtkazib borilmoqda.
Tuman hududida 40 ta oziq-ovqat ishlab chiqarish, 104 umumiy ovqatlanish hamda 226 savdo shoxobchasi roʻyxatga olingan boʻlib, shundan 330 korxonada 2018-yil davomida tibbiy koʻrik monitoringi oʻtkazilgan. Oziq-ovqat mahsulotlarining sifati va xavfsizligini aniqlash maqsadida olingan 235 sinama kimyoviy koʻrsatkichlarga, 171 sinama, 20 surtma bakteriologik koʻrsatkichlarga olingan tahlil namunalari tekshirildi.
Mangʻit “Dehqon bozori” hududida oziq-ovqat mahsulotlari savdosi faoliyati bilan shugʻullanuvchi xoʻjalik yurituvchi subʼektlar va yakka tartibdagi tadbirkorlarning tibbiy koʻrikdan oʻtishi taʼminlanishi yuzasidan ish reja asosida har 6 oyda bir marta tibbiy koʻrik monitoringi oʻtkazilmoqda. Monitoring jarayonida aholini sifatli va xavfsiz oziq-ovqat mahsulotlari bilan taʼminlash maqsadida ovqatdan zaharlanish, xususan, botulizm hamda shu kabi har xil yuqumli oshqozon-ichak kasalliklari kelib chiqishining oldini olish uchun uy sharoitida tayyorlangan konserva mahsulotlarini sotishning taʼqiqlanishi, savdo rastalari va hududlarda sanitariya qoida va meʼyorlariga qatʼiy amal qilish lozimligi toʻgʻrisida tushuntirish va sanitariya- targʻibot ishlari olib borilmoqda.
Gulshod Tojiboyeva, DSENM shifokori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
