“Harakat xavfsizligi oyligi” davom etmoqda

Oʻzbekiston Respublikasi rahbariyati va hukumati tomonidan yoʻl harakati xavfsizligini taʼminlash masalalariga katta eʼtibor berilmoqda. Jumladan, yoʻl-transport hodisalarining oldini olish, tashkilotlar, korxonalar, mehnat jamoalari xaydovchilar, piyoda yoʻlovchilar va bolalar oʻrtasida profilaktik tadbirlarni olib borish, transport vasitalarining tixnik holatini, yoʻllarning ahvolini yaxshilash hamda ommaviy axborot vositalari orqali targʻibot va tashviqot ishlarini olib borish boʻyicha keng koʻlamli ishlar amalga oshirilmoqda. Shunga qaramasdan sodir etilayotgan yoʻl transport hodisalarining soni kamaymayapti.

Yoʻl harakati xavfsizligini taʼminlash samaradorligini oshirish, yoʻl  transport hodisalarining oldini olish yuzasidan yil davomida tuman IIB xodimlari tomonidan ibratli ishlar amalga oshirildi. Jumladan, tuman hokimligi huzuridagi harakat xavfsizligini taʼminlash komissiyasi, "Mahalla” xayriya jamoat fondi tuman boʻlimi, MFY va OFY oqsoqollari, mahalla faollari va xalq taʼlimi xodimlari bilan birgalikda tumanimizda sodir etilgan  yoʻl-transport hodisalari boʻyicha transport vositalarini mast holda boshqargan haydovchilar muhokama qilinib, tegishli choralar koʻrildi.

Kelgusida bunday holatlarning, qoida buzarliklarning oldini olish maqsadida Oʻzbekiston Respublikasi Vazirlar Mahkamasining 2013-yil 4-dekabridagi 825-F-sonli  farmoyishiga asosan 2013 yilning 15-dekabridan 2014-yilning 15-yanvarigacha Respublikamiz hududida oʻtkaziladigan "Harakat xavfsizligi oyligi” tadbirida har bir fuqaroning faol qatnashishini taʼminlash, ushbu tadbirda tuman hokimining  farmoyishi, tuman IIB boshligʻining tegishli buyrugʻi asosida amalga oshirilishi lozim boʻlgan tashkiliy ishlar rejasi ishlab chiqildi.

Bunda belgilab qoʻyilganidek, transport vositalari va yoʻlovchilar, jumladan, bolalar harakati serqatnov boʻlgan yoʻllar va joylar belgilanib, ularni koʻrikdan oʻtkazish. Aniqlangan kamchiliklar yuzasidan takliflar tayyorlash va bu kamchiliklarni bartaraf etish, nosoz transport vositalaridan foydalanishni taʼqiqlash, yoʻl harakati qoidalarini yuzasidan taʼlim muassasalarida oʻquv mashgʻulotlari oʻtkazishni yanada yaxshilash, keng jamoatchilikning harakat xavfsizligini taʼminlashdagi ishtirokini kuchaytirish, yoʻl transport  hodisalari, ayniqsa bolalar bilan bogʻliq avtohalokatlarning  oldini olish maqsadida mehnat jamoalari, mahalla, oʻquv muassasalari va maktabgacha taʼlim muassasalarida uchrashuv va suhbatar oʻtkazib borish kabi aniq va maqsadli ishlarni amalga oshirish koʻzda tutilgan.

Ayniqsa, eʼtiborni yoʻlovchi tashuvchi transportlarga qaratgan holda ularning  katʼiy ravishda yoʻnalish boʻyicha harakatlanishi, tungi vaqtlarda transport vositalarini saqlash, xaydovchilarning ish vaqti tugagandan soʻng, hamda dam olish kunlari yoʻnalishlarga chiqishiga yoʻl qoʻymaslik choralarini koʻrishimiz, ob-havo noqulay kelgan vaqtlarda  yoʻlovchi tashuvchi transportlar harakatini vaqtinchalik cheklashga qaratishimiz zarur.

Yoʻlovchilar avtomobil yoʻllarining qatnov qismiga chiqishlari va har xil hodisalarning oldini olish maqsadida piyodalar yoʻlakchalarini taftishdan oʻtkazib taʼmirlashimiz zarur.

Fursatdan foydalnib, har bir fuqaroni korxona va tashkilotlar, birlashmalar oʻzini-oʻzi boshqarish organlari, oʻquv muassasalari mehnat jamoalari rahbarlarini "Harakat xavfsizligi oyliggi”da faol ishtirok etishga chaqiramiz.

  Gʻafurjon USMONOV, tuman IIB AMTVTXUFMKAKNE boʻlinmasi boshligʻi, podpolkovnik.

(Foto - http://uz24.uz)