Tuman Madaniyat markazi sanʼatkorlari Orol boʻyidagi mehnat maydoniga tashrif buyurib, musiqiy dastur namoyish etdilar
Orol va orolboʻyi muammolariga alohida eʼtibor qaratayotgan va unga yechim topish uchun butun jahon hamjamiyatini jalb etib kelayotgan Prezidentimiz Moʻynoq tumani aholisi uchun barcha qulay sharoitlarni yaratib berish, Orol dengizi hududidagi ekologik vaziyatni yaxshilash boʻyicha aniq vazifalarni belgilab berdi. Shu asosda bugungi kunda Moʻynoqda yangilanish, yaratuvchanlik ishlari qizgʻin olib borilmoqda.
Ayni paytda Orol dengizining suvsiz, qurigan hududida yana 500 ming gektar oʻrmonzor barpo etish uchun saksovul ekilmoqda. Ushbu ezgu ishga Qoraqalpogʻistonning barcha tumanlaridan hamda boshqa viloyatlardan ham yordamchi kuchlar kelib qoʻl-qanot boʻlishmoqda. Shu kunlarda Orolning qurigan hududi qizgʻin mehnat maydoniga aylanib, hamjihatlikda bunyodkorlik ishlari amalga oshirilmoqda. Bu keng koʻlamli ishlarda amudaryoliklar ham ishtirok etib, munosib hissa qoʻshishmoqda.
Tuman Madaniyat markazi sanʼatkorlari Orolning qurigan hududida jonbozlik koʻrsatayotgan mehnatkashlarga yanada zavq bagʻishlash va dam olish paytlarining mazmunli oʻtishini taʼminlash maqsadida u yerga tashrif buyurib, katta musiqiy dastur namoyish etdilar. Dastur davomida namoyish etilgan turli tomoshalar, qoʻshiq va raqslar barchaga manzur boʻldi va nihoyatda zavqlantirdi.
Orol dengizining qurigan hududida olib borilayotgan ezgu ishlarni amalga oshirish uchun sidqidildan harakat qilayotgan yurtdoshlarimizning fidoyiligidan ruhlangan tuman Madaniyat markazi sanʼatkorlari Moʻynoq safaridan katta taassurotlar bilan qaytdilar.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
