9-SONLI BMSM OʻQUVChILARI RESPUBLIKA KOʻRIK-TANLOVI GʻOLIBI BOʻLIShDI
Yurtimizda madaniyat va sanʼat sohasini rivojlantirishga, ayniqsa yoshlarning madaniy saviyasini yuksaltirishga, ularni milliy va umumbashariy madaniyatning eng yaxshi namunalaridan bahramand etishga, yosh isteʼdod egalarining qobiliyati va salohiyatini roʻyobga chiqarishga alohida eʼtibor berilmoqda, yosh talantlilar uchun turli koʻrik-tanlovlar oʻtkazilib, ijodi ragʻbatlantirilmoqda.
Shu yilning 2-martida Nukus shahrida boʻlib oʻtgan Bolalar musiqa va sanʼat maktablari ansambllarining respublika koʻrik-tanlovida sanʼat olamiga ulkan mehr, qiziqish va ishtiyoq bilan kirib kelayotgan oʻquvchi-yoshlarning iqtidori sinovdan oʻtkazildi.
Koʻrik-tanlovda tumanimizda faoliyat olib borayotgan Yoʻldosh Abdalov rahbarlik qilayotgan 9-sonli Bolalar musiqa va sanʼat maktabidan ham 4 ta guruhda tarbiyalanayotgan 37 nafar oʻquvchilar qatnashib, yorugʻ yuz bilan qaytdilar. Xususan X.Tajiboyev rahbarligidagi xalq cholgʻu ansambli birinchi, U.Shukurullayev rahbarligidagi anʼanaviy ijro cholgʻuchilar ansambli birinchi, S.Gulmonov rahbarligidagi anʼanaviy ashulachilar ansambli uchinchi oʻrinni egallashdi. Q.Eshchanova rahbarligidagi raqqosalar esa Faxriy yorliq bilan taqdirlandi.
Musiqa va sanʼat maktablari oʻquvchilarining salohiyati va iqtidorini oʻziga xos sinovdan oʻtkazgan koʻrik tanlovda tumanimiz vakillarining erishgan yutuqlari ularni yangi-yangi ijodiy parvozlarga ruhlantiradi.
O.RAJABOVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
