Xorazm viloyati hokimi F.Ermanov oʻzi taʼlim olgan maktabga 300 ga yaqin kitoblar sovgʻa qildi
Mavzuga oid video:
Shu yilning 19-mart kuni Oʻzbekiston Pespublikasi Prezidenti Shavkat Mirziyoyev rahbarligida oʻtkazilgan videoselektor yigʻilishida yoshlarlarning boʻsh vaqtini mazmunli tashkil etish, kitobxonlikni targʻib qilish masalalari atroflicha muhokama qilindi.
Davlatimiz rahbari yigʻilishda aholi, ayniqsa, yoshlar maʼnaviyatini yuksaltirish masalasiga alohida toʻxtalib, “Har bir rahbar oʻzining shaxsiy kutubxonasidan oʻzi taʼlim olgan maktab kutubxonasiga kitoblar sovgʻa qilsa, bu yaxshi tashabbus boʻlib, kitobxonlikni rivojlantirish bilan farzandlarimiz tarbiyasiga ijobiy taʼsir koʻrsatadi”, deb taʼkidladi.
Prezidentimizning ushbu tashabbusi davlat organlari, keng jamoatchilik tomonidan qizgʻin qoʻllab-quvvatlanmoqda. Butun Oʻzbekiston boʻylab kitob sovgʻa qilish aktsiyasi boshlandi.
Shu munosabat bilan 1-aprel kuni Xorazm viloyati hokimi Farhod Ermanov Amudaryo tumaniga tashrif buyurib, oʻzi tahsil olgan 31-sonli maktabda boʻldi va maktab kutubxonasiga 300 ga yaqin sara kitoblarni sovgʻa qildi.
Hozirda maktabda 778 nafar oʻquvchi tahsil olayotgan boʻlib, ularning oʻqib bilim olishi uchun maktab kutubxonasida 825 ta kitob jamlangan. Endilikda maktab kutubxonasi jahon va oʻzbek adabiyotining sara asarlari bilan yanada boyidi.
Eslatib oʻtamiz, Farxod Urazbayevich Ermanov 1958-yilda Amudaryo tumanida tugʻilgan. 1981-yilda Toshkent irrigatsiya va qishloq xoʻjaligini mexanizatsiyalash muhandislari instituti hamda 1996-yilda Toshkent davlat iqtisodiyot universiteti tamomlagan.
1995-1998-yillarda Amudaryo tumani hokimi, 2004-2010-yillarda Qoraqalpogʻiston Pespublikasi qishloq xoʻjaligi vaziri, 2010-2018-yillarda Beruniy tumani hokimi lavozimlarida ishlagan. 2018-yildan buyon Xorazm viloyati hokimi lavozimida faoliyat yuritmoqda. F.Ermanov Oʻzbekiston Pespublikasi Oliy Majlisi Senati aʼzosi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
