AHOLI OʻRTASIDA SOGʻLOM TURMUSh TARZINI TARGʻIB QILISh BOʻYIChA QANDAY IShLAR QILINMOQDA?
Oʻzbekiston Respublikasi Prezidentining 2018-yil 18-dekabrdagi “Yuqumli boʻlmagan kasalliklar profilaktikasi, aholining sogʻlom turmush tarzini qoʻllab-quvvatlash, jismoniy faollikni oshirish chora-tadbirlari toʻgʻrisida”gi PQ-5063-sonli Qarori va Sogʻliqni saqlash vazirining koʻrsatma xati ijrosini taʼminlash, aholi orasida sogʻlom turmush tarzini keng targʻib qilish maqsadida tumanimizda tibbiyot xodimlari, idora va tashkilotlar vakillari, turli yoshdagi uyushmagan aholi ishtirokida oʻtkaziladigan ommaviy tadbirlar rejasi tasdiqlanib, joriy yilning 6-aprel kuni koʻp tarmoqli markaziy poliklinikasida ochiq eshiklar kuni oʻtkazildi va murojaat qilgan barcha bemorlarga bepul tibbiy maslahatlar amalga oshirildi.
Tuman dehqon bozori hududida ham ikki soat mobaynida Salomatlik maydonchalari tashkil qilinib, Antropometrik oʻlchovlar, savolnoma va maxsus tekshiruvlar asosida yuqumsiz kasalliklarni keltirib chiqaruvchi xavfli omillarni aniqlash ishlari amalga oshirilib, bemorlarga bepul tibbiy maslahatlar berildi.
Shuningdek, tumandagi barcha mahallalarda, umumiy taʼlim maktablarida, kollej va litseylarda ham sogʻlom ovqatlantirish asoslari toʻgʻrisida suhbat va uchrashuvlar oʻtkazildi.
Endilikda har chorshanba kunida koʻp tarmoqli markaziy poliklinikada ochiq eshiklar kuni oʻtkazilib, ularda bemorlarga tibbiy maslahatlar berilishi, payshanba kunida tuman dehqon bozorida salomatlik maydonchalari tashkil etilishi, ularda antropometrik oʻlchovlar, savolnoma va maxsus tekshiruvlar asosida noinfektsion kasalliklarni keltirib chiqaruvchi omillarni aniqlash boʻyicha tezkor tibbiy maslahatlar berilishi, har juma kunida maktablar va mahallalarda sogʻlom ovqatlanish asoslari toʻgʻrisida suhbatlar oʻtkazilishi, har shanba kunida 5 kilometrlik masofaga faol yurish, velosayr, arqondan sakrash, shaxmat, shashka, voleybol, stol tennisi kabi gimnastrada sport musobaqalari oʻtkazilishi rejalashtirilgan.
Bunday saʼy-harakatlar aholi oʻrtasida uchraydigan semizlik, qandli diabet, qon bosimi va yurak huruji kasalliklarining oldini olishga, har bir insonning mehnat faoliyati oshishiga, sogʻlom va uzoq umr koʻrishiga omil boʻlishi shubhasiz.
Jumaboy YaVQAShEV, tuman Tibbiyot birlashmasining salomatlik boʻlimi mudiri.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
