PILLAKOPLAPIMIZ MEHNAT ZAFAPIGA EPIShDI

Amudaryolik pillakorlar bu yil ham mashaqqatlari evaziga moʻl pilla hosil erishtirib, 7-iyun kuni shartnomaviy rejani ortigʻi bilan bajarishga erishdilar. “Asia Silk” shoʻʼba korxonasi bilan fermer xoʻjaliklari va kasanachi pillakorlar oʻrtasida tuzilgan shartnomaga muvofiq 3168 quti ipak qurti urugʻidan 175 ming 200 kilogramdan ziyod “Kumush tola” yetishtirildi.

Bu mehnat zafariga mavsumga puxta hozirlik koʻrilib, yangidan 370 mingdan ortiq  serhosil navli tut koʻchatlari oʻtqazilgani, dala chetlaridagi tut qatorlari hamda mavjud tutzorlarga oʻz vaqtida agrotexnik ishlov berilgani va yangidan 15 ta tut plantatsiyalari tashkil qilinib, 111 ming dona tut koʻchatlari oʻtqazilgani natijasida erishildi. Qolaversa, ipak qurtlarini jonlantirishga moʻljallangan 16 ta inkubatoriyada ishlar tizimli tashkil etilib, ipak qurti urugʻi pillakorlarga oʻz muddatlarida yetkazib berilgani,  kasanachi pillakorlarga har bir quti ipak qurti urugʻi uchun 220 ming soʻmdan boʻnak puli tarqatilgani va pillakorlarimizning fidoyi mehnati bugungi yuksak xirmoni asosi boʻldi. Belgilangan rejadan ortiqcha yetishtirilgan pilla hosili uchun qoʻshimcha ustama mablagʻlarining berilayotgani esa barcha pillakorlarni ruhlantirilmoqda.

“Amudaryo Agropilla” MChJga qarashli qabul maskanlarida yetishtirilgan hosilni qabul qilish jarayoni davom etmoqda.
Men fursatdan foydalanib tumanimizning barcha pillakorlarini yetishtirilgan moʻl hosil – yuksak pilla xirmonlarini bunyod etganliklari bilan chin dildan tabriklayman hamda boshqa qishloq xoʻjaligi ekinlaridan ham barakali xirmonlar bunyod boʻlishini tilab qolamiz!

F.SAʼDULLAYeV, tuman hokimining

qishloq va suv xoʻjaligi masalalari boʻyicha oʻrinbosari.