Nomunosib harakat – inson shaʼniga dogʻ tushiradi

Oʻzbekiston Respublikasi Bosh prokuraturasi huzuridagi SVOJJDLQK Departamenti Qoraqalpogʻiston Respublikasi Amudaryo tuman boʻlimi xodimlari tomonidan 2013-yil davomida Oʻzbekiston Respublikasi Vazirlar Mahkamasining 2001-yil 6-iyul kungi 291-sonli "Iqtisodiyot va soliq sohasidagi jinoyatlarga qarshi kurashishni yanada chuqurlashtirish chora-tadbirlari toʻgʻrisida”gi, 2002-yil 28-noyabr kungi 415-sonli «Oʻzbekiston Respublikasi Bosh prokuraturasi huzuridagi SVOJJDLQK Departamenti ishlarini chuqurlashtirish chora-tadbirlari toʻgʻrisida»gi hamda Oʻzbekiston Respublikasi Prezidentining 2006-yil 21-aprel kungi 331-sonli «Moliya-iqtisod, soliq sohasidagi jinoyatlarga, jinoiy daromadlarni legallashtirishga qarshi kurashishni kuchaytirish chora-tadbirlari toʻgʻrisida»gi Qarorlari talablarining bajarilishini taʼminlash boʻyicha bir qancha ishlar amalga oshirildi.

Boʻlim tomonidan olib borilgan tadbirlar natijasida jami 28 ta huquqbuzarlik holati aniqlandi. Shundan 21 ta holatda jinoyat ishi qoʻzgʻatildi va 7 holatda maʼmuriy huquqbuzarlik aniqlandi.

Xususan, boʻlim tomonidan tuman hududida yashirin tsexlar qurib, undan olingan sifatsiz mahsulotlarni aholiga tarqatishning oldini olish boʻyicha amalga oshirilgan tadbirlar natijasida 2013 yil davomida jami 13 ta yashirin tsexlar aniqlanib, bu holatlar boʻyicha 8 jinoyat ishi va 5 maʼmuriy ish qoʻzgʻatildi. Ulardan 4 holatda juvozlarda paxta chigitidan yogʻ va kunjara ishlab chiqarish bilan shugʻullanganligi uchun jinoyat ishlari qoʻzgʻatildi. 5 holatda esa paxta tolasidan chigitni ajratib oladigan tsexni noqonuniy ishlatganlik aniqlandi.

Departamentning asosiy vazifalaridan biri - chet el valyutalarining noqonuniy muomalaga kiritilishiga qarshi kurashish borasida ham fuqarolar yigʻinlari, bozorlar va boshqa joylarda targʻibot ishlari olib borilishiga qaramasdan, ayrim fuqarolar chet el valyutalarining oldi-sotdisi bilan noqonuniy shugʻullanib kelishgan. Natijada 2 nafar fuqaro jinoiy javobgarlikka va yana 2 nafar fuqaro maʼmuriy javobgarlikka tortildilar. Bu harakatlari bilan ularning ayrimlari jinoyatchi degan nom oldilar, ayrimlari esa maʼmuriy jarimalar toʻlashga majbur boʻldilar.

Bundan boshqa ham ancha huquqbuzarliklar aniqlandi. Fuqarolarimiz oʻz huquq va majburiyatlarini tushunib, jinoyatga jazo muqarrarligini anglab yetsalar, oʻzlarini har xil nomunosib harakatlardan, inson degan nomiga dogʻ tushirishdan saqlagan boʻlar edilar.

B.Kochkarov,

SVOJJDLQK Departamentining Amudaryo tuman boʻlimi boshligʻi, adliya kichik maslahatchisi.

(Foto - http://kun.uz)