AMUDARYoLIK GʻALLAKORLAR 7300 TONNAGA YaQIN BUGʻDOY TOPShIRIB, ShARTNOMAVIY REJANI ORTIGʻI BILAN BAJARDI

2019-yil hosili uchun oʻtgan yilning kuz oylarida tumanimizda 328 ta fermer xoʻjaliklarining 3350 gektar yer maydoniga bugʻdoy ekilgan edi.

Ilgʻor va tajribali gʻallakorlarimiz bugʻdoyni ekishdan boshlab, uni agrotexnika qoidalari asosida parvarishlash ishlarini oʻz vaqtida va sifatli amalga oshirdilar.

Bugʻdoy oʻrim-yigʻim boshlanishidan oldin tuman boʻyicha 13 ta otryad tashkil etilib, ularga bittadan kombaynlar birkitirildi. Shuningdek, oʻrim-yigʻimida mavsumida jami 150 tadan ortiq, shu jumladan 58 ta tashish texnikalaridan samarali foydalanildi.

Joriy yilning 18-iyun kuni tumanimiz gʻallakorlari davlat xirmoniga 7295 tonna bugʻdoy hosilini topshirib, oʻzlarining shartnomaviy rejalarini muvaffaqiyatli ado etdilar.

Bu yil gʻalla yetishtirishda Qilichboy, Toʻlqin va Boʻzyop ovullardagi fermer xoʻjaliklari peshqadamlik qildilar.

Choykoʻl ovulidan “Yuldashev Anvar”, Toʻlqin ovulidan “Amudaryo sohili” fermer xoʻjaliklari har bir gektar yerdan 70 tsentnerdan gʻalla hosili olishga erishdilar. Shuningdek, Boʻzyop ovulidan “Aytboy Otaxon”, “Oʻrta qalʼa” ovulidan “Ismoilov Eldorbek” va Bobur nomli ovuldan “Abdulla” fermer xoʻjaliklari ham hosildorligini 60-62 tsentnerga yetkazishga muvaffaq boʻldilar.

Ayni kunda tumanimizda hosildan boʻshagan dalalarni peshma-pesh shudgorlash, takroriy ekin ekish ishlari amalga oshirilayapti. Shu kungacha ming gektardan ortiq yer shudgor qilindi va 800 gektar yerga takroriy ekinlar ekildi.

Men fursatdan foydalanib, mirishkor dehqonlarimizni mehnatdagi yutuqlari bilan tabriklab, kelgusidagi ishlariga omad tilayman.

Xirmoningizga baraka, aziz gʻallakorlar!

Islom MATKARIMOV,
tuman Qishloq xoʻjaligi boʻlimi boshligʻi.