BOLAM YoZ MAVSUMINI KOʻNGILLI OʻTKAZSIN DESANGIZ…
Yoz – barcha bolalar faol dam oladigan payt. Ular tabiat qoʻyniga sayohatga chiqish, sport turlari bilan shugʻullanish, oʻyinlar oʻynash, choʻmilish imkoniyati tugʻilganidan shod boʻladilar.
Kichik yoshdagi bolalar koʻproq argʻimchoq uchishga intiladilar, oʻzini uddaburon koʻrsatib, argʻimchoqni qoʻli bilan ushlamagan holda uchib, pastga sakraydilar. Natijada argʻimchoqdan sakragan bola yonida turgan bolaga borib urilishi va jarohatlanishi mumkin.
Katta yoshli bolalar esa sport oʻyinlari, ayniqsa futbol oʻynash chogʻida shikastlanadilar. Koptokni yugurib kelib tepish, notoʻgʻri koptok oshirish ham paylar choʻzilishiga, boʻgʻimlar shikastlanishiga, hatto qoʻl-oyoq suyaklari sinishiga ham olib keladi.
Bundan tashqari, kunlar isishi bilan hamma, katta-yu kichik suvda choʻmilishni xush koʻrishadi. Lekin choʻmilishda ham oʻziga yarasha qonun-qoidalar mavjud.
Demak, choʻmilish vaqtida ham turli jaroxatlar olish mumkin.
Jaroxatlarning oldini olish uchun quyidagi talablarga rioya qilish kerak. Avvalo, choʻmilish havzasi toza, suvi almashtirilib turiladigan xavfsiz joy boʻlishi talab etiladi. Shuningdek, choʻmilishga shifokor koʻrigi va tavsiyasidan soʻng borish foydalidir.
Choʻmilishni kunning quyoshli, shamolsiz, havo harorati 20-25 daraja, suv harorati 17 - 19 daraja boʻlganda boshlang.
Quyosh vannasi qabul qilganda, yugurishdan soʻng, faol oʻyinlardan keyin, tayyorgarlik qilmasdan turib tezda suvga tushish aslo mumkin emas. Taom qabul qilinganidan bir soat oʻtgandan soʻng choʻmilish juda foydali. Har doim choʻmilishdan oldin dam olish va keyin choʻmilish inson tanasiga yaxshi taʼsir qiladi. Ochiq va oqar suv havzalarida, kanalda choʻmilganda qirgʻoqdan uzoqqa suzmang, ogʻohlantruvchi belgilardan oʻtib ketmang. Tez oqar kanal va daryo suvida choʻmiligi bolalar uchun xavfli va bunga aslo yoʻl qoʻymaslik kerak.
Shuni unutmaslik kerakki, suvda 10-15 daqiqadan ortiq choʻmilish tanani sovutib, odamni lohas qilib qoʻyishi mumkin. Shuning uchun tanada tirishish paydo boʻlsa, oʻzingizni yoʻqotmang, atrofingizdagilarni yordamga chaqiring va oʻzingizga notanish boʻlgan joylarda suvga umuman sakramang.
Yuqoridagilarga amal qilish – salomatligingiz garovi boʻlib, turli jaroxatlanishlardan saqlanishning asosidir.
I.NURIMBETOV, tuman Tibbiyot birlashmasi bolalar jarroxi,
Qizil yarim oy jamiyati tuman boʻlimi ijrochi direktori.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
