Yoshlar ijodidan

Onajonim

Oqlagayman sutingizni,

Yorugʻ qilay yuzingizni.

Quvontirib oʻzingizni

Onajonim, jonim onam!

Oqila, dono qiz boʻlay,

Vatanimga xizmat qilay.

Murodingiz hosil qilay,

Onajonim, jonim onam!

Sarvinoz Otajonova.

Obod shahrim

Obod turmush yoʻlida

Obod boʻlgan koʻchalar.

Yorishib tun qoʻynida,

Oyday toʻlgan koʻchalar.

Marjonday chiroqlari,

Daraxtlari soyabon.

Shahrimning har yoqlarin,

Suyub, quchadi osmon.

Obodon el, obod el –

Ona shahrim omon boʻl!

Goʻzaloy NURIMBETOVA.

Egizaklar

Sogʻlom bola yilida,

Egizaklar tugʻilar.

Hasan-Husan-u hamda,

Yulduzoy va Qunduzlar.

Ulgʻayar egizaklar,

Hur Vatan ardogʻida.

Koʻngillarni bezaklar,

Gul ochib el bogʻida.

Nurlan JADIGEROV, 36-maktab oʻquvchisi.

Bolalik

Bolalik podshohlikdir,

Bolalik begʻamlikdir.

Bolalik totli davr,

Umrga mazmun berar u.

Bolalik qaytib kelmas,

Undan shirin dam boʻlmas.

Bolalik sururiga,

Odamzod hech ham toʻymas.

Sohiba RAJABBOYeVA,

55-sonli maktab oʻquvchisi.

Sogʻlom bola

Yurtboshimning farzandlari,

Kelajagim dilbandlari.

Fikrlari uygʻoq bola,

Sogʻlom bola, sogʻlom bola.

Kuch-quvvatga toʻlib-toshgan,

Aqllari teran bola.

Shoʻxliklari daryo-daryo,

Sogʻlom bola, sogʻlom bola.

Har jihatdan kamol topgan,

Orzulari olam-olam.

Shoshayotir dunyo tomon,

Sogʻlom bola, sogʻlom bola.

Tillarida Oʻzbekiston,

Dillarida Tinchlik, Doʻstlik.

Fikrlari dono-dono,

Sogʻlom bola, sogʻlom bola.

Umrimizning gʻunchalari,

Oʻqishlari aʼlo-aʼlo.

Hayotimiz mazmunlari –

Sogʻlom bola, sogʻlom bola.

Zuhra Ahmedova,

55-sonli maktab kutubxonasi mudirasi.

Tarixdan soʻzlasam

Asrlardan asrlarga oʻtib kelgan qalʼalar,

Qirgʻinlarning azobini ortib kelgan qalʼalar.

Bobolarim unib-oʻsgan tabarruk maskanlar bu –

Goho ishq deb, ozodlik deb vayron boʻlgan qalʼalar.

Barchasida soʻngsiz azob-uqubat bor, firoq bor,

Ishq nomidan aytayinmi, "Nazlim suluv” qalʼasin.

Moziylarda sirli qolgan "Gavur”, "Yompiq” qalʼalar,

Hatto ishq deb barbod boʻlgan "Guldursun”ning qalʼasi.

Yulduz YuSUPOVA, Melioratsiya va suv xoʻjaligi kasb-hunar kolleji talabasi.

Kutish azobi

Tan olaman... Oʻgʻirladim.

Vaqt, imkonni.

Shuncha kutdim, kun sargʻaydi...

Qorlar yogʻdi.

Bahor keldi, qor eridi,

Kurtak chiqdi.

Va nihoyat... Men qoʻmsagan,

Nido keldi.

- Sen oʻgʻrisan!... - Va bu toʻgʻri.

Men bosh egdim.

Bu sas emas...

Umrdan nido!

Bu emas - men kutgan ovoz!

Bekatdaman... Poyezd kelmas,

Kuz keladi.

Sargʻayadi qoʻlimdagi eski qogʻoz.

Bekatdaman... sovuq... ammo -

Qorsiz ilk qish,

Qargʻa ketdi, bahor keldi...

Bekatdaman...

Poyezd keldi... Lekin bahor...

u kechikdi...

Relsda yotar - jonsiz tana...

Men yoʻqotgan Vaqt.

Men oʻgʻriman...

Siroj OLIMOV.