“VATANNING IShONChI – BIZ YoShLAR”

Yoshlar maʼnaviyatini yuksaltirish, boʻsh vaqtlarini mazmunli tashkil etish boʻyicha Prezidentimiz ilgari surgan 5 ta tashabbus ijrosini taʼminlash yuzasidan tumanimizdagi 9-sonli Bolalar musiqa va sanʼat maktabida koʻpgina saʼy-harakatlar olib borilmoqda. Xususan, oʻquvchi-yoshlar orasida turli tanlovlar tashkil etilib, iqtidorlari yuzaga chiqishiga sharoit yaratilmoqda, oʻquvchilar ishtirokida kontsertlar, turli koʻngilochar tadbirlar oʻtkazilmoqda.

Yaqinda Mangʻit istirohat bogʻida maktab oʻqituvchilari va oʻquvchilari ishtirokida “Vatanning ishonchi – biz yoshlar” deb nomlangan  gala kontsert oʻtkazildi. Turli qiziqarli hangomalarning mohirona ijro etilishi, yoshlik, baxtiyorlik va ozod, obod Vatan madh etilgan kuy-qoʻshiqlar, raqslar barcha tomoshabinlarga manzur boʻldi.

Mamlakatimiz mustaqilligining 28-yilligi arafasida ona Vatanimiz undagi tinch-osuda hayotga faxr, shukronalik ifoda etilgan gala kontsertda faol ishtirok etgani uchun maktabning yosh, isteʼdodli oʻqituvchisi Qunduzoy Eshchanovaga tuman hokimi S.Yoʻldashev tashakkurnoma taqdim etdi.
Shuningdek, tuman Mudofaa ishlari boʻlimi boshligʻi, mayor Azizbek Jonuzoqov tadbir tashkilotchilaridan Davlatyor Shomurodov, Qudrat Matsafoyevlarga Faxriy yorliq va esdalik sovgʻalari taqdim etdi.