Foydasidan zarari koʻp

Bugungi kunda qaysi sohani koʻrmang, kompyuter texnikasi muhim oʻrinda turadi. Shu bilan bir qatorda qoʻlimizdagi uyali telefon ham bizning doimiy hamrohimizga aylangan. Ogʻirimizni yengil qilayotgan bu telefonlarning foydasi koʻp. Lekin shu bilan bir qatorda uning zararli tomonlari ham borda. Tengdoshlarim bilan bir davrada oʻtirganimizda ham asosiy mavzu telefon boʻladi. Lekin biz yoshlar uchun bu telefonning foydasidan koʻra zarari koʻproq, deb oʻylayman. Avvalo u bizning oʻqib intilishimiz uchun muhim boʻlgan vaqtimizni oʻgʻirlaydi. Ayniqsa jahon koʻzgusi boʻlmish internetdagi turli saytlar biz yoshlarning diqqatimizni tortmay qolmaydi. Albatta, men bu gapim bilan internetni qoralamoqchi emasman, baʼzi bir yoshlarni bilaman, internetdan shu qadar unumli foydalanishadi. Bundaylar koʻplab topiladi.

Hozirgi kunda barcha uchun birdek daxldorkundalik global muammolar ham internet bilan bogʻlanib ketmoqda. Bunga birgina misol, odam savdosi ham internet bilan chambarchas bogʻliq ekanligi hammaga ayon.

Internet orqali tanishib, oila qurayotganlar ham topiladi. Bu mavzularda yana koʻplab mulohazalar yuritish mumkin. Biz yoshlarga esa hozir eng muhimi faqatgina oʻqish va intilish, oldimizda turgan asosiy ishimizdir. Internetning zararli taraflariga bogʻlanib qolmasdan, kitob bilan doʻst tutinsak, biz uchun koni foyda. Bizga, biz yoshlarga shu qadar imkoniyatlar yaratib berilganki, ulardan foydalanib, oʻqisak, intilsak, albatta, kelajagimiz yorqin boʻladi.

Yulduz TURSUNBOYeVA,

NDPI qoshidagi 3-sonli akademik litseyning 1-bosqich oʻquvchisi.

(Foto - http://nav.uz)