MAHALLALAR FUTBOL JAMOALARI HOKIM KUBOGI UChUN KUCh SINAShDILAR

Oʻzbekiston Respublikasi Prezidenti Sh.M.Mirziyoyev raxbarligida 2019-yil 19-martda oʻtkazilgan videoselektor yigʻilishida yoshlarni madaniyat va sanʼat, sport sohalariga keng jalb etish, axborot texnologiyalari va kitob oʻqishga boʻlgan kizikishini har tomonlama koʻllab-quvvatlashga karatilgan 5 ta tashabbusni amalga oshirish boʻyicha topshiriqlar berilgan edi. Ushbu topshiriq ijrosini taʼminlash va tumanimiz yoshlarining sport sohasiga boʻlgan qiziqishlarini ragʻbatlantirish maqsadida tuman Jismoniy tarbiya va sport boʻlimi tomonidan keng qamrovli ishlar amalga oshirilmoqda.

Yaqinda mahallalar oʻrtasida sportning futbol turi boʻyicha tuman hokimi kubogi  musobaqalari uyushqoqlik bilan oʻtkazildi. Bundan koʻzlangan asosiy maqsad yoshlarni ommaviy ravishda sport musobaqalariga keng jalb qilish orqali ularning boʻsh vaqtini mazmunli tashkil etish, oʻzaro madaniy-sport aloqalarni yoʻlga qoʻyish hamda jismoniy tarbiya va sportni yoshlarning kundalik hayotiga muhim vazifa sifatida kiritish, sogʻlom turmush tarziga rioya qiladigan vatanparvar, masʼulliyatli, barkamol avlodni tarbiyalashdan iboratdir.

Hokim kubogi musobaqalari tuman hokimligi, tuman  Jismoniy tarbiya va sport boʻlimi hamda fuqarolarning oʻzini oʻzi boshqarish organlari foaliyatini muvofiqlashtirish boʻyicha tuman  Kengashi va bir qator hamkor tashkilotlar tomonidan tashkil etildi.

 Hokim kubogi musobaqalari Mangʻit shaxridagi Bolalar sport majmuasida (Vaxum stadionida)  oʻtkazildi. Unda tumanimizning 30 ta maxalla jamoalaridan 510 nafar ishtirokchi qatnashdi. Musobaqa 15-iyun va 13-avgust oraligʻida, belgilangan jadval asosida oʻtkazildi. Doʻstona va qizgʻin bellashuvlar asosida oʻtgan musobaqalarda 1-oʻrinni Kuyuk koʻpir OFY jamoasi, 2-oʻrinni Beruniy MFY jamoasi, 3-oʻrinni Besh ovul MFY jamoalari egallashdi. Oʻtkazilgan musobaqalar doimiy ravishda Amudaryo televediniyesi orqali yoritilib borildi.

Musobaqaning yuqori saviyada oʻtishiga xissa qoʻshgan hakamlar, yaxshi natijalarga erishgan ishtirokchilar hamda jamoalar 12 ta nominatsiya  boʻyicha faxriy yorliq va qimmatbaho sovgʻalar bilan  taqdirlanishdi.
Musobaqada 1-,2-,3-oʻrinni egallagan jamoalar Mustaqillik bayrami tantanasi kuni tuman xokimi tomonidan munosib taqdirlanadi.

J.YaXShIMOV, tuman Jismoniy tarbiya

va sport boʻlimi boshligʻi.