Salomatlik haftaligi

Mustaqilligimizning ilk kunlaridanoq aholi salomatligi hamda manfaatiga qaratilgan eʼtibor va gʻamxoʻrlik bugungi kunga kelib oʻz natijasini berayapti. Xalqimizga koʻrsatilayotgan tibbiy xizmat sifatining oshib borayotganligi ham buning yorqin dalilidir. Mamlakatimiz sogʻlikni saqlash tizimida toʻrt yildan buyon anʼanaga aylanib kelayotgan "Hech kim mehr va eʼtibordan chetda qolmasin!” shiori ostida oʻtkazilayotgan salomatlik haftaligi ham oʻz nufuziga ega boʻlib, aholining tibbiyotga boʻlgan ishonchini yanada oshirib, ular sogʻligini muhofaza qilishda katta ahamiyat kasb etmoqda. Qoraqalpogʻiston Respublikasi Sogʻlikni saqlash vazirligining 2014-yil 7-fevraldagi 36-sonli farmoyishiga binoan tumanimizda istiqomat qiluvchi aholini yuqori malakali mutaxassislar ishtirokida toʻliq tibbiy koʻrikdan oʻtkazish va kasalligi aniqlangan shaxslarni sogʻlomlashtirish, kasallanish koʻrsatkichlarini kamaytirish hamda aholining keng qatlami, ayniqsa, yoshlar oʻrtasida tibbiy madaniyatni oshirish, sogʻlom turmush tarzi koʻnikmalarini shakllantirishga qaratilgan tashviqot-targʻibot ishlarining samaradorligini taʼminlash maqsadida 2014-yilning 10-15-fevral kunlari tuman tibbiyot birlashmasi, tuman Salomatlik markazi, Salomatlik va tibbiy statistika instituti Qoraqalpogʻiston Respublikasi filiali, 3-sonli Silga qarshi kurashish dispanseri, Respublika DSENM, Respublika Skrining markazi va Respublika OITSga qarshi kurashish markazi shifokorlari hamkorligida tumandagi MFY, OFY, maktab, kollej, litsey va bolalar bogʻchalarida Salomatlik haftaligi oʻtkazildi. Salomatlik haftaligida mutaxassis-shifokorlar sogʻlom turmush tarzi, OITS, sil va boshqa yuqumli kasalliklar hamda ularning profilaktikasi boʻyicha targʻibot-tashviqot ishlarini olib bordilar. Tumanimizda "Fertil yoshdagi ayollar, bolalar va oʻsmir qizlarni sogʻlomlashtirish” haftaligining oʻtkazilishi aholi salomatligini mustahkamlash va kasalliklarning oldini olishda muhim omil boʻlmoqda.

(Oʻz muxbirimizdan)