Amudaryolik yosh sportchilar boks boʻyicha Qoraqalpogʻiston turniri gʻolibi boʻldilar
Toʻrtkoʻl shahrida sportning boks turi boʻyicha Qoraqalpogʻiston Respublikasi turniri boʻlib oʻtdi,
8-12-oktyabr kunlari yosh sportchilar oʻrtasida oʻtkazilgan ushbu turnirda Samarqand, Buxoro, Qashqadaryo, Jizzax, Xorazm viloyatlari va Respublikamizning Qoʻngʻirot, Chimboy, Beruniy, Ellikqalʼa, Taxtakoʻpir, Amudaryo tumanlaridan, shuningdek, Nukus Olimpia zahiralari maktab internatidan mahoratli sportchilar qatnashdilar. Qizgʻin oʻtgan musobaqalarda tumanimiz sportchi yoshlari sport maktabidagi tajribali murabbiylar Jasur Nurimbetov va Obid Usmonovlardan oʻrgangan jang usullarini qoʻllab, muvaffaqiyat qozondilar.
Turnirda yosh bokschilardan Diyorbek Anvarov 50 kg. vazn toifasida faxrli 1-oʻrinni, Javlonbek Jumamurodov 36 kg. vazn toifasida 1-oʻrinni, Shahzod Qodirboyev 52 kg. vaznda 1-oʻrinni, Shahzod Xolboyev 32 kg. vaznda 1-oʻrinni qoʻlga kiritishdi. Shuningdek, Abror Rahimboyev 32 kg. vazn boʻyicha 2-oʻrin, Jonibek Tursinboyev 60 kg. vazn boʻyicha 2-oʻrin, Baxt Saburov 46 kg. vazn boʻyicha 2-oʻrin gʻoliblari boʻldilar. Bunyod Ismoilov 54 kg. vaznda, Bunyod Ilhomov 44 kg. vaznda 3-oʻrinni egalladilar.
Turnir musobaqalari gʻoliblari diplom va sovgʻalar bilan taqdirlandilar.
Hamida Rajabova, Bolalar-oʻsmiralar
sport maktabi katta murabbiyi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
