MAKTABDAGI SPOPT MUSOBAQALAPI – NUFUZLI BELLAShUVLAP SAPI YOʻL OChADI

Tumanimizdagi 36-sonli umumtaʼlim maktabida Prezidentimiz tomonidan ilgari surilgan 5 ta tashabbusning amaliy ijrosiga qaratilgan madaniy-maʼrifiy hamda sport tadbirlarini tashqil qilish va oʻtkazishga alohida eʼtibor qaratiladi.

Bu borada maktabning jismoniy tarbiya fani oʻqituvchi Soliy Yoʻldoshev  tomonidan olib borilayotgan ishlar tahsinga loyiq. Sportning olimpiya turlari boʻyicha tez-tez oʻtkazilib turiladigan sinflararo va maktab miqyosidagi musobaqalarda bolalar nafaqat oʻzlarining boʻsh vaqtlarini mazmunli oʻtkazishadi, balki iqtidorlarini namoyon etib, qaysi sport turiga koʻproq layoqatli ekanliklarini ham amalda koʻrsatadilar.

Jismoniy tarbiya fani oʻqituvchisi sifatida Soliy aka Yoʻldoshev dars-rejasidan tashqari, oʻquvchi-yoshlarning jismoniy faolligini oshirish maqsadida qoʻshimcha mashgʻulotlar va musobaqalar ham tashkil etishga alohida eʼtibor qaratadi. Xususan, 2019-yilning sentyabr oyida 7- va 8-sinf oʻquvchilari oʻrtasida oʻtkazilgan futbol boʻyicha musobaqalarda 8asinf sportchilari birinchi, 8vsinf esa ikkinchi, 7vsinf yosh futbolchilari uchinchi oʻrinni egallashdi. Oktyabr oyida esa sinflararo qiz bolalar oʻrtasida oʻtkazilgan basketbol boʻyicha musobaqalar yanada qiziqarli boʻldi. Mazkur musobaqalarda 8vsinf basketbolchilar jamoasi 1-oʻrinni, 7asinf jamoasi 2-oʻrinni, 6a va 7vsinflar jamoalari 3-oʻrinni egalladilar.

Shuni mamnuniyat bilan qayd etish kerakki, maktabning 6-sinf oʻquvchisi Sevinch Soliyeva suv sporti boʻyicha Beruniy shahrida oʻtkazilgan Qoraqalpogʻiston Pespublikasining hududiy bosqichida faxrli 3-oʻrinni egallab, oʻzining ushbu yoʻnalish boʻyicha iqtidorli ekanligini namoyon etdi.

S.Yoʻldoshev tomonidan tashkil etilgan yengil atletika sporti musobaqalarida ham maktabning iqtidorli atletlari aniqlandi. Oʻgʻil bolalar oʻrtasida 60 metr masofaga yugurish boʻyicha musobaqalarda 8-sinf oʻquvchilari T.Bobojonov, D.Tojiboyev va 7-sinf oʻquvchisi O.Yoʻldoshevlar gʻoliblikni qoʻlga kiritishdi. 1000 metr masofaga yugurish boʻyicha bellashuvlarda esa 7-sinf oʻquvchisi D.Xoʻjamurodov oʻzining tengsiz ekanligini namoyon etdi. 8-sinf oʻquvchilari S.Kamolov ikkinchi, Sh.Ollamov esa uchinchi oʻrin sohiblari boʻlishdi.

Uzunlikka sakrash musobaqalarida 8-sinf oʻquvchilari T.Bobojonov, D.Tojiboyev, A.Otaboyevlar gʻoliblik shohsupasidan joy oldilar.

Masofaga yugurish boʻyicha qiz bolalar oʻrtasida musobaqalar yanada qizgʻin va bahslarga boy boʻldi. Unda 60 metr masofaga yugurishda 8-sinf oʻquvchilari Sh.Sobirova, M.Berdiboyeva, 7-sinf oʻquvchisi M.Sobirova, 1000 metr masofaga yugurishda 6-sinf oʻquvchisi M.Chorshamboyeva, 8-sinf oʻquvchilari M.Berdiboyeva, G.Xolboyevalar musobaqa peshqadamlari boʻlishdi.

Uzunlikka sakrash boʻyicha musobaqalarda 7-sinf oʻquvchilari M.Sobirova, I.Matyoqubova, 8-sinf oʻquvchisi S.Nazirboyevalar gʻoliblikka erishdilar.

Yaqinda S.Yoʻldoshev tomonidan yana bir sport musobaqasi tashkil etildi. Unda maktabning yosh sportchilari aql gimnastikasi – shaxmat sporti boʻyicha oʻz aql-idroklarini namoyish etdilar. Qizgʻin bellashuvlar asosida oʻtgan musobaqalarda 5-sinf oʻquvchisi Sherali Shomurodov 1-oʻrinni egalladi. 8-sinf oʻquvchisi Sherzod Qurbonboyevga ikkinchi, 5-sinf oʻquvchisi Shahriyor Shomurodovga uchinchi oʻrin nasib etdi.

– Umumtaʼlim maktablarda oʻtkaziladigan sinflararo sport musobaqalari sportga qiziquvchi yoshlarni katta sportga tayyorlashda muhim ahamiyatga ega, – deydi Soliy aka Yoʻldoshev. – Bunday musobaqalar oʻquvchi-yoshlarning oʻziga ishonchini mustahkamlaydi, oʻzi qiziqqan sport turi boʻyicha doimiy shugʻullanishga undaydi. Oʻqituvchi esa oʻquvchi-yoshlar bilan shugʻullanishdan toʻxtamasligi kerak. Ana shunda oʻquvchi-yoshlar maktabdan tashqari nufuzli sport musobaqalarida ham muvaffaqiyatli ishtirok etadilar.

Iroda EPDOShEVA, “Taraqqiyot koʻzgusi”

gazetasining jamoatchi muxbiri.