NUKUSLIK SANʼATKOR OʻQUVChI-YoShLAR AMUDARYoLIK TENGDOShLARIGA OʻZ KONTsERT DASTURINI NAMOYISh ETIShDI
30-oktyabr kuni 9-sonli bolalar musiqa va sanʼat maktabining tantanalar saroyida Nukus shahridagi 22-sonli bolalar musiqa va sanʼat maktabining “Jaslar” xalq cholgʻulari kamer orkestri oʻz kontsert dasturini namoyish etdi.
Kontsert dasturi “Jaslar” xalq cholgʻulari kamer orkestri ijrosidagi F.Nazarovning “Gulnora” kuyi bilan boshlandi. Nesipboy Alekeyev dirijyorligida maromiga yetkazib ijro etilgan kuy tomoshabinlar tomonidan olqishlar bilan kutib olindi.
Kontsert dasturi davomida bayan va akkordeonda Isa Abdullayev va Shamshod Jumaboyev ijrosidagi “Liber tango” kuyi, Shaxnur Jiyenbayev ijrosidagi “Tulpor” ashulasi, kamer orkestri joʻrligida yangragan “Palladio”, “El bimbo”, “Qilichbozlar oʻyini”, kabi jahon musiqa sanʼati namoyandalarining asarlari, “Jaslar” xalq cholgʻulari kamer orkestri aʼzolari Nasiba Xolboyeva, A.Xachaturyanning mashhur “Lezginka” kuyini nayda ijro etgan Daston Davletboyev, Uldanoy Ilyasova, Shaxnur Jiyenboyev, Maxambet Igamberdiyev, Ahmad Xudoyberganov, Qadam Sharipov, Xursandbek Atamuratov, Islom Karimov, Sardor Bozorboyevlar tomonidan ijro etilgan kuy va qoʻshiqlar barchaga xush kayfiyat bagʻishladi.
- Bu kabi ijodiy uchrashuv tariqasidagi kontsert dasturlari maktabimiz oʻquvchilari uchun oʻziga xos tajriba almashuv maydoni vazifasini oʻtaydi, - deydi 9-sonli bolalar musiqa va sanʼat maktabi direktori Yoʻldoshboy Abdalov. – Biz mazkur kontsert dasturini tashkil etgan Nukus shahridagi 22-sonli bolalar musiqa va sanʼat maktabi direktori A.Tajimuratovga, oʻquv ishlari boʻyicha direktor oʻrinbosari B.Seytanovga “Jaslar” xalq cholgʻulari kamer ortkestri dirijyori Nesipbay Alekeyevga minnatdorchilik bildiramiz.
Kontsert dasturi yakunida 9-sonli bolalar musiqa va sanʼat maktabi direktori Y.Abdalov “Jaslar” xalq cholgʻulari kamer ortkestri aʼzolariga ijodiy muvaffaqiyatlar tiladi.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
