Tuman madaniyat markazida hisobot kontserti oʻtkazildi

Mamlakatimizda madaniyat va sanʼatni qoʻllab-quvvatlash, milliy madaniy va maʼnaviy merosni saqlash hamda koʻpaytirish, xalqimizni milliy va jahon madaniyatining eng yaxshi namunalari bilan tanishtirish, moddiy-texnik bazani yaxshilash va xalqaro madaniy aloqalarni mustahkamlash boʻyicha kompleks chora-tadbirlar amalga oshirilmoqda.

Maʼlumki, barcha tarmoqlar qatori madaniyat va sanʼat sohalarini rivojlantirishga ham katta eʼtibor qaratilib, bu borada keng qamrovli ishlar qilinmoqda. Viloyat, shahar va tuman markazlarida mavjud madaniyat markazlari qayta rekonstruksiya qilinib, chekka hududlarda yangi madaniyat markazlari barpo etilmoqda. Madaniyat va sanʼat jonkuyarlari uchun barcha sharoitlar yaratilmoqda.

Tumanimizdagi madaniyat markazi bir necha yillardan buyon oʻzining samarali faoliyatini olib bormoqda. Madaniyat markazida barcha madaniyat va sanʼat ixlosmandlari uchun turli xil tadbirlar va kontsert dasturlari tashkil qilinib kelinmoqda. 4-noyabrʼ kuni boʻlib oʻtgan tuman madaniyat markazi hisobot kontserti shular jumlasidandir. Madaniyat markazi kontsertlar zalida xalq jamoalarining yil yakuniga bagʻishlangan hisobot kontsertida repertuarlaridagi kuy, ashula va raqs, tsirk tomoshalarini xalqimiz eʼtiboriga havola qildilar.

Yoshlarning madaniy saviyasini yuksaltirish, ularni milliy va umumbashariy madaniyatning eng yaxshi namunalaridan bahramand etish, shu asosda maʼnaviy yetuk, barkamol shaxslarni tarbiyalash, yosh isteʼdod egalarining qobiliyati va salohiyatini roʻyobga chiqarish borasida keng koʻlamli ishlar amalga oshirilmoqda. Bularning natijasi esa ularning erishayotgan yutuqlarida koʻzga tashlanmoqda.

Hozirgi kunda tuman madaniyat markazida 3 ta xalq jamoasi faoliyat olib bormoqda. Bular «Uchqun», «Ofarin», «Jayxun moʻʼjizasi» jamoalaridir. Jumladan, «Uchqun» ashula va raks xalq ansambli 1963-yilda tuman Markaziy madaniyat uyida tashkil kilingan bulib, 1973-yilda «Chashma» koʻrik-tanlovida «Qirk qiz» ansambli bilan qatnashib «Xalq ansambli» unvoni olishga sazovor boʻlgan. 28 kishidan iborat ansamblga Anvar Xudayberganov badiiy, yosh isteʼdod soxibi boʻlgan Vaxobjon Abdullayev musikiy raxbar , Dilfuza Bobojonova raqs oʻrgatuvchi (baleytmeyster) lavozimlarida faoliyat olib bormoqda.

«Ofarin» folklor etnografik ansambli oʻz faoliyatida katta muvaffaqiyatlarga erishib kelmoqda. Oʻzbekiston Pespublikasi Madaniyat Vazirligi qaroriga binoan 2008-yil 1-noyabrda havas korlik sanʼatini rivojlantirishdagi, milliy qadriyatlarni tiklashdagi faol xizmatlari xamda yuksak ijrochilik mahorati uchun hozirda 15 nafar aʼzosiga ega boʻlgan «Ofarin» folʼklor etnografik ansambliga «Xalq havaskorlik jamoasi» unvoni berildi.

«Jayxun moʻʼjizasi» anʼanaviy saxna tsirk havaskorlik jamoasi 1983-yilda tuman madaniyat uyi qoshida tashkil kilingan. 2009-yil 24-aprelda tuman Madaniyat markazining «Jayxun moʻʼjizasi» anʼanaviy tsirk guruhiga «Xalq havas korlik jamoasi» unvoni berildi. «Jayxun moʻʼjizasi» anʼanaviy saxna tsirki xalq jamoasi hozirda 8 nafar aʼzosiga ega. Xalq jamoalari har yili yil yakuni bilan oʻzlarining faoliyati boʻyicha hisobot kontsertlarini oʻtkazib kelmoqdalar.

Tuman madaniyat markazi xalq jamoalari barcha bayram tadbirlari, Pespublika va tuman miqyosidagi koʻrik tanlov va festivallarda faol qatnashib, madaniyat, sanʼatning rivojlanishiga oʻzlarining beqiyos xissalarini qoʻshib kelmoqdalar.

Charos Arslonova.