SOGʻLOM BOLALAR – KELAJAK TAYaNChI
Tuman Tibbiyot birlashmasining Bolalar boʻlimi, Bolalar reanimatsiyasi boʻlimlarida bemor bolajonlarga tibbiy yordam koʻrsatib kelinmoqda. Shoshilinch vaziyatlarda va kasalliklar xuruj qilgan paytlarda boʻlimdagi oliy toifali shifokor E.Xidirov, oliy toifali reanimatolog shifokor U.Jumamurodov hamda tajribali shifokorlar F.Nurimbetov, M.Norimmatov, S.Bekjonova, E.Abishevalar bemor bolalarning salomatligi tiklanishiga yaqindan yordam koʻrsatishadi. Shuningdek, hamshiralardan S.Bekchonova, G.Aytimbetova, S.Kenjaboyeva, B.Oʻrozboyeva va T.Nuriyevalar ham boʻlimda 30-yildan buyon sidqidildan xizmat koʻrsatib kelishmoqda.
Bolalar salomatligini asrashda, shoshilinch va sifatli tibbiy xizmat koʻrsatishda reanimatsiya xizmatining oʻrni nihoyatda katta. Tuman Tibbiyot birlashmasiga qarashli bu boʻlimdagi tibbiy yordam sifatini qoniqarli darajada deyish mumkin. Shifokorlar bemor bolalarga tashhis qoʻyish, ularning salomatligini tiklashda zamonaviy uskunalar yordamida, bilim va tajribalariga tayanib faoliyat olib borishmoqda.
Shu oʻrinda tumanimiz aholisiga “Qipchoq”, “Birodar Norimmatov”, “Gulnoz” xususiy dorixonalari tomonidan beminnat xizmat koʻrsatib kelinayotganligini ham aytib oʻtish joiz.
Tuman aholisining sogʻligiga kamarbasta boʻlib, insonlarga darddan forigʻ boʻlishda koʻmak berib kelayotgan barcha tibbiyot xodimlarini kasb bayramlari bilan tabriklaymiz. El-yurt salomatligini saqlash yoʻlidagi beminnat xizmatlarida yangidan-yangi muvaffaqiyatlar tilaymiz.
O.Oʻrozaliyeva,
mehnat faxriysi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
