Sogʻlom bola yili yangiliklari
Sportga hamdam bolalar
55-sonli umumtaʼlim maktabida 580 nafar oʻquvchi taʼlim-tarbiya olishadi. Shunisi eʼtiborga molikki, maktab oʻquvchilarining 400 nafari turli xil sport toʻgaraklari mashgʻulotlarida qatnashadilar. Maktabda "Umid nihollari”, "Alpomish” sport musobaqalari muntazam oʻtkazilib turiladi. Jahongir Soatboyev. Abbos Madaminov. Diyorbek Soatboyev, Shahzod Umrzoqov, Jahongir Sobirovlar 2-sonli BOʻSMda sportning kurash, karate, dzyu-do turlari boʻyicha shugʻullanib kelishadi. Ular ayni kunlarda Qoraqalpogʻiston Respublikasi chempionatida ishtirok etish uchun tayyorgarlik koʻrishmoqda.
Mangʻit buyum bozori rivojlanmoqda
Mangʻit savdo kompleksi MChJning 2013-yilda rejalashtirilgan qurilish ishlaridan eng asosiysi 50 million soʻmlik bank krediti hisobidan yoʻlaklarga burschatka yotqizish va bezatish, shuningdek kanalizatsiya tizimlarini oʻrnatish ishlari ayni kunlarda nihoyasiga yetkazilmoqda.
Shuningdek, 2012-yilda qurilishi tugallanmagan turgʻun savdo shoxobchalari yangi yil arafasida qurib bitkazildi. Tuman hokimining 2011 yil, 29-noyabrdagi №947-sonli qaroriga asosan 98 nafar fuqaroga turgʻun savdo shoxobchasi qurish uchun ajratilgan 0,32 gektar maydonda 60 tadan ziyod kichik doʻkonlar barpo etildi.
Xushtaʼm baliq taomlari
"Qipchoq” ovulida ishbilarmon va tadbirkorlar koʻp. Umarjon Sayitov tashkil etgan kichik korxonaga qarashli "Kumush-Elmira” oshxonasida baliq taomlari mahorat bilan tayyorlanadi. Ayniqsa, oshxonaning baliq qovurdoq, qovurilgan uvildiq, buyurtma asosida tayyorlanadigan baliqli dimlama tasmalari juda xushtaʼmligi bilan mijozlarga manzur. Bu yerda 4 nafar ovul yoshlari ish bilan taʼminlagani bois, U.Sayitovdan hamqishloqlari minnatdor.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
