Amudaryo tumani Davlat soliq inspeksiyasi joriy yilning 10 oyi uchun belgilangan prognoz koʻrsatkichini 118 foizga bajardi

Mamlakatimizda iqtisodiyotni erkinlashtirish, uni tarkibiy qayta qurish, islohotlar samarasini oshirish borasida bir qator izchil ishlar amalga oshirilmoqda. Islohotlar asosiy yoʻnalishlari sifatida soliq tizimini shakllantirish va takomillashtirish bilan bogʻliq boʻlib, bu borada soliq siyosatini erkinlashtirish ushbu sohada erishiladigan yutuqlar garovidir.

Amudaryo tumani Davlat soliq inspeksiyasi xodimlari ham bugungi kundagi soliq islohotlarini amaliyotga tatbiq qilish yoʻlida oʻzlarining samarali faoliyatini olib bormoqda. Davlat soliq inspektsiyasida shtatlar javdali boʻyicha 1 ta boʻlim va 9 ta shoʻbada xizmat koʻrsatuvchi 34 nafar xodim mehnat qilmoqda. Ularning fidokorona xizmatlarining natijalari erishilayotgan yutuqlarda oʻz aksini topmoqda.

Aytish joizki, mahalliy byudjet daromadlarining ortishida tadbirkorlik subektlari va kichik biznesning ahamiyati katta. Mahalliy byudjetga kelib tushadigan tushumlarning asosiy qismi tarbirkorlik va kichik biznes subektlaridan keladigan tushumlar tashkil qiladi. Shu sababli tumanimizda tarbirkorlik va kichik biznesning rivojlanishiga katta eʼtibor qaratilmoqda. Bu esa oʻz navbatida Davlat soliq inspeksiyasi tomonidan yuqori koʻrsatkichlarga erishilishiga zamin yaratilyapti. Amudaryo tumanida 2019-yil 1-noyabr holatiga jami 2 ming 575 ta yuridik shaxslar roʻyxatga olingan boʻlib, ularning 1 ming 849 tasi faoliyat koʻrsatmoqda. Shundan 1 ming 336 tasi soliq toʻlash majburiyatiga ega va 493 tasi soliq toʻlash majburiyatiga ega boʻlmagan korxonalardir.

Amudaryo tumani Davlat soliq inspeksiyasi joriy yilning 10 oyi uchun belgilangan prognoz koʻrsatkichini 118 foizga bajardi, daromad tushumi esa 221,5 foizga ortigʻi bilan uddalandi.

Inspektsiya maʼmuriyati va xodimlari soliqlarni yigʻish yuzasidan ham samarali faoliyat koʻrsatib, turli soliqlarning rejada belgilangan miqdorini yuqori koʻrsatkichlarda bajaryapti. Xususan, joriy yil oktyabr oyi holatiga koʻra qatʼiy belgilangan daromad soligʻi boʻyicha reja salkam 107 foizga, aktsiz soligʻi boʻyicha reja 148 foizga, yer soligʻi boʻyicha reja esa 406 foizga bajarildi.

Ammo, bu borada qilinadigan ishlar ham talaygina. Jumladan, tumandagi yakka tartibdagi tadbirkorlarning 2019-yil 1-oktyabr holatiga damromad soligʻidan 110 mln. soʻm, yagona ijtimoiy toʻlov boʻyicha 632 mln. soʻm soliq qarzdorligi mavjud.

Ushbu boqimanda qarzlarni undirish maqsadida 2019-yil 1-oktyabr holatiga 85 ta yakka tartibdagi tadbirkorlarga 495 mln. soʻmlik, ogoxlantirish talabnomalari tarqatildi, 368 ta yakka tartibdagi tadbirkorlarning bankdagi hisob raqamlariga salkam 550 mln. soʻmlik inkassa topshiriknomalari qoʻyildi. Bundan tashqari, jismoniy shaxslarning yer va mol-mulk soligʻidan 2019-yil 1-oktyabr holatiga 4 mlrd 186 mln. soʻmlik boqimanda qarzdorliklari mavjud. Hozirgi kunda tuman majburiy ijro byurosi bilan hamkorlikda jismoniy shaxslarning yer va mol-mulk soliqlaridan boʻlgan qarzlarini undirish yuzasidan qator choralar koʻrilmoqda.

Tuman davlat soliq inspektsiyasi xodimlari nafaqat soliq va boshqa majburiy toʻlovlarni yigʻish, balki, ularning asosini tashkil qiluvchi tadbirkorlik subʼektlari faoliyatini rivojlantirishga koʻmaklashish, yangi ish oʻrinlarini yaratish orqali aholining daromadlari va soliq bazasini koʻpaytirish ishlariga eʼtibor qaratib, bu borada tizimli ravishda ish olib bormoqdalar.

Charos ARSLONOVA, tuman hokimligi axborot xizmati rahbari.