Oʻzbekiston Ichki ishlar vaziri oʻrinbosari Rustam Hotamov amudaryolik sportchi yoshlar bilan uchrashdi
Yoshlar yurtimizning ertangi kuni. Shu boisdan ularning kelajakda komil insonlar boʻlib voyaga yetishlari uchun davlatimiz va butun xalqimiz masʼul. Hozirda barcha jabhada yoshlar masalalariga, ularning taʼlim-tarbiyasiga alohida eʼtibor qaratilmoqda. Ayniqsa, yoshlar oʻrtasidagi ularning hayotiga salbiy taʼsir koʻrsatadigan huquqbuzarlik va jinoyatlarning oldini olish maqsadida qator chora-tadbirlar amalga oshirilmoqda.
16-yanvar kuni Amudaryo tumaniga yoshlarning bugungi faoliyati va qiziqishlari bilan yaqindan tanishish, ularning hayotini oʻrganish, qiynayotgan muammolarni aniqlash va hal qilish maqsadida tashrif buyurgan Pespublika ishchi guruhi aʼzolari ishtirokida yoshlar bilan uchrashuvlar oʻtkazildi. Tadbirlar davomida ishchi guruh aʼzolari yoshlarning boʻsh vaqtlaridan unumli foydalanayotganliklari, ularning turli toʻgaraklarga jalb etilganligi, sport bilan shugʻullanishlari uchun yaratilgan sharoitlar bilan qiziqib, mavjud muammolarni oʻrganib chiqdilar.
Oʻzbekiston Respublikasi Ichki ishlar vaziri oʻrinbosari Rustam Hotamov, Qoraqalpogʻiston Respublikasi Ichki ishlar vaziri Aytbay Temirxanovlar tumandagi Bolalar va oʻsmirlar sport maktabi, Suv sporti saroyiga tashrif buyurib, sportchi yoshlar bilan uchrashdilar. Unda Qoraqalpogʻiston Respublikasi Ichki ishlar vaziri oʻrinbosari Islom Ahmedov, tuman Ichki ishlar boʻlimi boshligʻi Ulugʻbek Xudoyberganov, Ichki ishlar boʻlimi boshligʻining yoshlar masalalari boʻyicha oʻrinbosari Azizbek Qurboniyozov, tuman hokimligi va boshqa davlat organlari, tegishli tashkilotlar masʼullari ham qatnashdilar.
Uchrashuv tadbirida mutasaddilar sport muassasalaridagi yoshlarning barcha sport turlari bilan shugʻullanishlari uchun yaratilgan sharoitlar, imkoniyatlar bilan tanishdilar. Muassasadagi toʻgaraklarda sport bilan shugʻullanayotgan yoshlar, ularga shugʻullanishni oʻrgatayotgan murabbiylarning faoliyati bilan qiziqdilar.
Sportchi yoshlar bilan oʻtkazilgan uchrashuvda masʼullar sportning jismonan sogʻlom boʻlib voyaga yetishdagi ahamiyati, mamlakatni va iqtidorli yoshlarni dunyoga tanitishdagi oʻrni haqida soʻzladi. Sport bilan shugʻullanish yoshlarning sogʻlom, kuchli, mard va qatʼiyatli boʻlib kamolga yetishiga xizmat qilishini, yurtimizda sportni rivojlantirishga qaratilayotgan alohida eʼtiborning amaldagi samaralari – yoshlarimizning jahon va qitʼa miqyosidagi nufuzli musobaqalarda qoʻlga kiritayotgan yutuqlarda namoyon boʻlayotganini aytib oʻtdilar. Shuningdek, mamlakatimiz sharafini xalqaro maydonlarda munosib himoya qilayotgan sportchi yoshlar koʻpchilikni tashkil qilishini, bu mohir sportchilar ulgʻayib kelayotgan oʻgʻil-qizlar uchun haqiqiy oʻrnak va namuna timsoliga aylanganligini eʼtirof etdilar.
Amudaryolik sportchi yoshlar oʻz navbatida davlatimiz tomonidan yaratilayotgan imkoniyatlar, sport muassasalaridagi mavjud sharoitlar haqida gapirdilar. Ular oʻzlarining mamlakat va jahon miqyosidagi sport musobaqalarda qoʻlga kiritayotgan yutuqlarini ham faxr-u iftixor bilan soʻzlab oʻtdilar.
Uchrashuv davomida tumanda istiqomat qiluvchi 16 yoshga toʻlgan 5 nafar yoshlarga dastlabki biometrik pasportlar tanatanali ravishda topshirildi.
O.Xudoyberganova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
