Sogʻlom avlod - yurt tayanchi
Badiiy gimnastika – nafislik, nazokat, nozik harakat, egiluvchanlik, goʻzallik singari ajoyib, harakatlarni oʻzida mujassam etadigan sport turi.
Men va singlim Nigora 3-yildan buyon sportning badiiy gimnastika turi bilan shugʻullanamiz va bayramlarda chiqish qilamiz. Badiiy gimnastika toʻgaragi Mangʻit shahri, Olmazor mahallasidagi Iqtisodiyot kasb-hunar kolleji yonida joylashgan. U yerda murabbiyimiz Nodira opa Yoʻldosheva bizga gimnastika mashgʻulotlaridan saboq beradi.
- Qizlar ichida Zebo juda tirishqoq, qiziquvchan, har bir mashqni oʻrganishga qattiq bel bogʻlaydi, u barcha qizlarga oʻrnak, faol oʻquvchi, - deydi murabbiyimiz Nodira opa.
Toʻgaragimizda faol gimnastikachi qizlar koʻp. Masalan Holida Yoʻldosheva, Zebo Haydarova, Dinora Qurboniyozova, Nurjamol Uralboyeva, Kamola Salayeva, Hilola Salimovalar shular jumlasidan. Zebo Haydarova 1998-yilda tugʻilgan. U 7-yildan buyon badiiy gimnastika bilan shugʻullanadi, koʻplab musobaqalarga qatnashgan va faxrli oʻrinlar olgan. 1998-yilda tugʻilgan qizlar oʻrtasida oʻtkazilgan musobaqada faxrli 1-oʻrinni, Nukus shahrida oʻtkazilgan turli musobaqalarda ham 1-oʻrinni egallagan. Zebo bilan barchamiz faxrlanamiz.
Ayni kunlarda yaqinda Nukus shahrida, oʻsmir qizlar oʻrtasida oʻtkaziladigan musobaqaga tayyorgarlik koʻrilmoqda. Yangi bir gimnastikachi qizimiz Holida Yoʻldosheva esa toʻgaragimizning eng mehnatkash va sabrli sportchisiga aylangan. U Nukus shahrida 1998-yilda tugʻilgan qizlar oʻrtasida oʻtkazilgan badiiy gimnastika musobaqalari kubogi sohibasi.
Albatta, bu yutuqlar bekordan-bekorga emas. Ular yutuqlarga erishishdan oldin juda koʻp mehnat qilishgan va doimo izlanib kelishgan. Biz ularga juda ham havas qilamiz.
Biz yoshlarga yaratib berilayotgan imkoniyatlardan juda mamnunmiz va buning uchun davlatimizdan minnatdormiz. Sportda esa shu gʻamxoʻrlikka yarasha katta-katta yutuqlarga erishishga intilamiz.
Iroda Erdasheva,
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
