Qizil yarim oy jamiyati tuman boʻlimi tomonidan Tibbiyot birlashmasi hududida xayriya aktsiyasi oʻtkazildi
Oʻzbekiston Qizil Yarim oy jamiyatining infektsion kasalliklar, jumladan, koronavirus infektsiyasi tarqalishining oldini olish boʻyicha qoʻrayotgan chora- tadbirlariga monand koronovirusni yuqtirishdan oʻzingizni va boshqalarni asrang shiori ostida joriy yilning 28-mart sanasida tuman Qizil Yarim oy jamiyati tomonidan tuman Tibbiyot birlashmasi hududida xayriya aktsiyasi oʻtkazildi.
Bugungi kunga kelib Oʻzbekiston Qizil yarim oy jamiyati aholida birinchi tibbiy yordam koʻnikmalarini shakllantirish, tibbiy-ijtimoiy xizmatlar koʻrsatish, insonparvarlik yordami berish, begʻaraz donorlik kabi yoʻnalishlarda ish olib boradi. Faoliyatimizning ustuvor yoʻnalishlaridan biri – bu soʻzsiz, jamiyatning yoshlar harakati va koʻngillilar boshlangʻich tashkilotini tuzish hamda shakllantirish, halqaro loyihalarni hayotga izchil tadbiq etish va gumanitar sohalarda xalqaro hamkorlikni rivojlantirishdir.
Xayriya tadbirida Qizil yarim oy jamiyati tomonidan tayyorlangan, koronavirus epidemiyasining oldini olish, kasallikdan saqlanish chora-tadbirlari toʻgʻrisida tayyorlangan buklet va eslatmalar, bir martalik shaxsiy himoya vositasi boʻlgan tibbiy niqoblar tuman TTB markaziy shifoxonasi boʻlimlari ishchi-xodimlariga, shifoxonada davolanayotgan bemorlarga hamda koʻp tarmoqli poliklinikasi ishchi-xodimlari va poliklinikaga kelgan fuqarolarga xayriya tariqasida tarqatildi.
Tuman Markaziy shifoxonasi yuqumli kasalliklar boʻlimi mudiri O.Qurbonboyev oʻtkazilayotgan ushbu aktsiya uchun Qizil yarim oy jamiyati tuman boʻlimi xodimlariga oʻz minnatdorchiligini bildirdi. Shu bilan birga kasallik toʻgʻrisida maʼlumot berib, barchani vahima qilmaslikka chaqirdi.
Xayriya tadbiri davomida Qizil yarim oy jamiyati tuman boʻlimi ijrochi direktori I.Nurimbetov, tibbiy birodar Ch.Ernazarov, koʻngilli volontyorlar Tibbiyot birlashmasi epidemiolog shifokori X.Sobirov, O.Xolmurodova, R.Xolmurodovalar fuqarolarga virusdan himoyalanishning birdan-bir yoʻli sogʻlom turmush tarziga rioya qilib, shaxsiy gigiyena va toʻgʻri ovqatlanish qoidalariga amal qilish muhimligi haqida tushunchalar berdi va turli xil mishmishlarga ishonmaslik, shifokorlar maslahatiga rioya qilgan holda tushkunlikka tushmaslikka, har kim oʻz uyida, oilasi bagʻrida karantin intizomini buzmay sabr qilishi zarurligini qayd etishdi. Shu yoʻl bilan barchani hamjihatlikda kasallikni yengishga daʼvat qildilar.
Butun Jahon Sogʻliqni saqlash tashkilotining bergan maʼlumotiga qaraganda sogʻligʻimizning 50-55 foizi kechirayotgan turmush tarzimizga, atigi 8-10 foizi tibbiyot xodimlarining tez va sifatli, malakali shoshilinch yordam koʻrsatishiga bogʻliq ekan.
- Shunday ekan, biz sizlar uchun ishda qolayapmiz, siz esa biz uchun uyda qoling, shioriga amal qilishingizni soʻraymiz, - deya taʼkidlashdi xayriya tadbiri tashkilotchilari boʻlgan tuman Qizil yarim oy jamiyati xodimlari.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
