Tomorqa oila iqtisodini koʻtaruvchi daromad manbai
Tomorqa oila iqtisodini koʻtaruvchi daromad manbai sanaladi. Agar kimningdir 5-6 sotix tomorqasi boʻlsa, demak, u kambagʻal emas. Astoydil harakat qilinsa, har bir oila oʻz tomorqasini moʻl-koʻl daromad manbaiga aylantirishi mumkin.
Tumanimizda tomorqasidan moʻl daromad olayotgan dehqonlar talaygina. Uyshin mahallasida istiqomat qiluvchi aka-uka Olloyor va Oybek Madiyorovlar tomorqa yerida 16 sotixlik issiqxona barpo etishgan.
Ular oila aʼzolari bilan yoz boʻyi ochiq maydondagi ekin-tikinlarni yaxshi parvarishlab, kuzda hosil yigʻib olingach, issiqxona anjomlarini oʻrnatishni boshlaydilar. Uzogʻi bilan bir- bir yarim oy dam olgan yerga qayta ishlov berilib, bahorga tayyorgarlik koʻrishadi, turli xil poliz va sabzavot ekinlarining nihollarini yetishtirishadi.
Ayni kunda aka-ukalarning 16 sotixli issiqxonasida pomidor va bodringning bir necha xil navlari, bulgʻor qalampiri va ertagi tarvuz nihollari barq urib rivojlanmoqda. Ularning asosiy daromad manbaiga aylangan tomorqa xoʻjaligida moʻʼjazgina bogʻ ham mavjud. Olma va oʻrikning ertapishar, kechpishar navlari, shaftoli va uzumning eng sara, serhosil navlaridan har yili moʻl-koʻl hosil yigʻadigan aka-ukalarning daromadlari oila iqtisodini yaxshigina koʻtarayotgani ularning turmush tarzida yaqqol namoyon. Oilaning oʻz chorvasi, parrandasi borligi esa daromadga yana daromad qoʻshayotganidan bildikki, oila aʼzolarining barchasi halol va fidoyi mehnatning gashti – toʻkin-sochinlikda yashashmoqda. Bir soʻz bilan aytganda ularning yillik daromadi, mehnatining samarasidan koʻngli toʻq.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
