Amudaryo tumanidagi koʻchalar va shoh koʻchalarga nom berish va ayrim koʻchalarning nomlarini oʻzgartirish toʻgʻrisida

Oʻzbekiston Respublikasining “Geografik obʼektlarning nomlari toʻgʻrisida”gi Qonunining 10-moddasiga hamda Geografik obʼektlarga nom berish va ularning nomlarini oʻzgartirish boʻyicha tuman komissiyasining xulosasini koʻrib chiqib va muhokama qilib Xalq deputatlari tuman Kengashi

Q A R O R    Q I L A D I :

1. Geografik obʼektlarga nom berish va ularning nomlarini oʻzgartirish boʻyicha tuman komissiyasining  xulosasi maʼlumot uchun qabul qilinsin.

2. Geografik obʼektlarga nom berish va ularning nomlarini oʻzgartirish boʻyicha tuman komissiyasining Amudaryo tumanidagi koʻchalar va shoh koʻchalarga nom berish va ayrim koʻchalarning nomlarini oʻzgartirish toʻgʻrisida takliflari maʼqullanib, ilovaga muvofiq tasdiqlansin.

3. Tumandagi tegishli korxona va tashkilotlar, muassasalar va jamoat birlashmalari ushbu qarordan kelib chiqqan holda tegishli hujjatlariga zarur oʻzgartirishlar kiritishsin.

4. Amudaryo tumani "Taraqqiyot koʻzgusi" gazetasi bosh muharriri, "Amudaryo televideniyesi" (Gʻ.Yeshniyazov)ga ushbu qarorni “Taraqqiyot koʻzgusi” gazetasida hamda AmuNews veb-saytida yoritish, shuningdek televideniye orqali uning ijrosi yuzasidan olib borilayotgan ishlarni keng omma eʼtiboriga yetkazib borish tavsiya qilinsin.

5. Mazkur qarorning ijrosini taʼminlash tuman hokimining yoshlar siyosati, ijtimoiy rivojlantirish va maʼnaviy-maʼrifiy ishlari boʻyicha oʻrinbosari, hokim huzuridagi geografik obʼektlarga nom berish va ularning nomlarini oʻzgartirish masalalari boʻyicha tuman komissiyasi raisi oʻrinbosari A.Yuldashevga, qaror ijrosini nazorat qilish xalq deputatlari tuman Kengashining Ijtimoiy-madaniy sohani rivojlantirish, oila, xotin-qizlar va yoshlar masalalari boʻyicha doimiy komissiyasi raisi G.Eshimbetova zimmasiga yuklatilsin.

Xalq deputatlari Amudaryo tuman Kengashi raisi: S.Yoʻldashev

2020-yil 24-fevral, № 36/3-6