Tuman mahalliy byudjetining 1-chorak davomidagi ijrosi haqida maʼlumot

2020-yil 1-chorak uchun tuman mahalliy byudjeti daromadlar rejasi 14 mlrd. 521 mln.  235 ming  soʻmni tashkil qildi. Ushbu rejaning ijrosi 14 mlrd. 619 mln. 730,1 ming soʻmga, yaʼni reja 100,7 foizga 98 mln. 495,1 ming soʻmga ortiqcha bajarildi. Bundan tashqari, Qoraqalpogʻiston Respublikasi byudjetidan olingan maqsadli ijtimoiy transfertlar miqdori 11 mlrd. 700 mln. soʻmni tashkil qildi.

2020-yil 1-chorak uchun byudjet xarajatlari rejasi jami 40 mlrd. 177 mln. 7 ming soʻmni tashkil qildi. Shu yil 1-chorak davomida byudjet mablagʻlari xarajatlari hisobidan jami 40 mlrd. 839 mln. 145,8 ming soʻm mablagʻ sarflandi.

Jumladan, Iqtisodiyot sohasiga jami 4 mlrd. 761 mln. 96,38 ming soʻm sarf-xarajat qilindi. Bu jami byudjet xarajatlari hajmining 11,65 foizini tashkil qildi. Maktabgacha taʼlim sohasiga jami 3 mlrd.199 mln. 516,7 ming soʻm sarflandi. Bu jami byudjet xarajatlari hajmining 7,8 foizini tashkil qildi. Shundan maktabgacha taʼlim muassasasida taʼlim olayotgan bolalar uchun oziq-ovqat xarajatlariga 1 mlrd. 683 mln. 662,9 ming soʻm ishlatildi. Taʼlim sohasiga jami 1 mlrd. 914 mln. 527,39 ming soʻm sarf-xarajat qilinib, bu jami byudjet xarajatlari hajmining 4,68 foizi boʻldi. Madaniyat va sport sohasiga jami 989 mln. 729,59 ming soʻm sarflandi va jami byudjet xarajatlari hajmining 2,43 foizini tashkil qildi.

Shuningdek, sogʻliqni saqlash sohasiga jami 14 mlrd. 713 mln. 341,44 ming soʻm ishlatilib, bu jami byudjet xarajatlari hajmining 36,05 foizi boʻldi. Shundan tibbiyot muassasida davolanayotgan bemorlar oziq-ovqat xarajatlari 165 mln. 894 ming soʻm, bemorlarning dori-darmon xarajatlariga 614 mln. 073,2 ming soʻm sarf etildi.

Ijtimoiy taʼminot sohasiga jami 8 mlrd. 185 mln. 496,22 ming soʻm ajratilib, bu byudjet xarajatlari hajmining 20,04 foizini tashkil qildi. Boshqaruv organlari sohasiga jami 1 mlrd. 471 mln. 509 ming soʻmga yaqin mablagʻ ishlatildi. Oʻzini oʻzi boshqarish organlari sohasiga jami 1 mlrd. 63 mln. 189,81 ming soʻm sarf-xarajat qilindi. Zaxira jamgʻarmasi mablagʻlari uchun jami  231 mln. 562,6 ming soʻm sarflandi. Boshqa xarajatlar jami 446 ming soʻmdan iborat boʻldi. Tasdiqlangan rejadan tashqari, tuman hokimining tegishli qaror va farmoyishlari asosida ham mablagʻlar sarf etildi. Yil boshidagi erkin qoldiq mablagʻlari hisobidan jami 2 mlrd. 957 mln. 136,5 ming soʻm ishlatildi.

Ushbu mablagʻlarning asosiy qismi tuman mahalliy byudjetidan moliyalashtiriladigan byudjet tashkilotlari xodimlarining ish haqi va unga tenglashtirilgan toʻlovlari, ijtimoiy soha binolarini taʼmirlashga va aholining turmush farovonligini oshirishga sarflandi.

U.Bekniyazov, Amudaryo tumani Moliya boʻlimi mudiri.