ISTEʼMOLChILAP SIFATLI TABIIY VA SUYuLTIPILGAN GAZ BILAN UZLUKSIZ TAʼMINLANMOQDA

Hozirgi kunda “Hududgaz Qoraqalpogʻiston” masʼuliyati cheklangan jamiyatining “Amudaryo tumangaz” filiali tomonidan 5 ta gaz taqsimlash stantsiyalari orqali 12 ming 413 ta xonadonga tabiiy gaz yetkazib berilayapti. Jami gaz tarmoqlari 407,7 kilometr boʻlib, shundan 53,5 kilometri yuqori bosimli, 65,3 kilometr qismi oʻrta bosimli va 288,9 kilometri esa past bosimli tarmoqlar hisoblanadi. Gaz quvurlarining 15,8 kilometr qismi yer ostida, 392 kilometr qismi esa yer ustida joylashgan.

Foydalanishda jami 230 ta gaz taqsimlash punktlari boʻlib, shundan 23 tasi yuqori bosimli, 204 tasi esa oʻrta bosimli sanaladi.

Tumanimiz boʻyicha 38 ming 53 xonadon gazlashtirilgan boʻlib, shundan 12 ming 413 ta xonadonga uzluksiz tabiiy gaz yetkazib berilmoqda, 25 ming 640 ta xonadon esa suyultirilgan gaz bilan taʼminlanayapti. Shuningdek, 221 ta ulgurji isteʼmolchilar mavjud.

Tabiiy gaz isteʼmolchilarini uzluksiz gaz bilan taʼminlash maqsadida filialning  Avariya tiklash xizmati xodimlari tun-u kun fidoyilik bilan xizmat qilmoqdalar.

Shuningdek, 2020-2021-yilgi kuz-qish mavsumiga ham puxta hozirlik koʻrilmoqda. Buning  uchun avvalo amalga oshirilishi lozim boʻlgan ishlar rejasi ishlab chiqildi va shunga muvofiq faoliyat olib borilmoqda. Pejaga koʻra, mavsumgacha 230 dona gaz taqsimlash qurilmalarini taftish qilish, 1 dona gaz taqsimlash qurilmasini joriy taʼmirlash, 35 kilometrdagi gaz quvurlarini bosim ostida zichlikka sinash, 42 kilometrdagi yer osti gaz quvurlarining holatini pribor usuli  bilan tekshirish, 5 kilometrdagi gaz quvurlarini boʻyash ishlari amalga oshirish koʻzda tutilgan edi.

Ayni kunlarda Mangʻit shahrining Gurlan koʻchasidagi uzunligi 1,2 kilometr uzunlikdagi oʻrta bosimli, Farovon, Olmazor mahallalari hududidagi 1,6 kilometr uzunlikdagi yuqori bosimli gaz quvurlarini taʼmirlash, boʻyash ishlari olib borilayapti.

Shuningdek tumanimizda 25 ming 640 ta aholi xonadoni suyultirilgan gaz bilan uzluksiz taʼminlanib kelinmoqda. Shundan 11 ming 993 xonadon gazlashtirilmagan, 13 ming 647 xonadon esa tabiiy gaz yetib bormasligi tufayli suyultirilgan gazga moslashtirilgan. Ijtimoiy soha obʼektlaridan 39 ta maktabgacha taʼlim tashkilotlarida ham suyultirilgan gazdan foydalanilmoqda.

Aholini suyultirilgan gaz bilan uzluksiz taʼminlash va xizmat sifatini oshirish  maqsadida tumangaz filialiga qarashli Xolimbeg servis markazi, Kuyuk koʻpir, Qipchoq, Oq oltin, Qangli, Boʻzyop, Doʻrman ovullaridagi shoxobchalari va filial markaziy omborxonasi orqali suyultirilgan gaz yetkazib berilayotir. Mazkur shoxobchalarga uzoq boʻlgan hududlarga esa suyultirilgan gaz ballonlari 5 ta mashina orqali yetkazib berish yoʻlga qoʻyildi.

2020-yilda suyultirilgan gazdan foydalanuvchi xonadonlarga tuman boʻyicha 3 ming 800 tonnadan ortiq limit ajratilgan boʻlsa, 19-may holatiga koʻra 13 ming 360 tonna suyultirilgan gaz yetkazib berildi. Beminnat koʻmakchi boʻlgan tabiiy va suyultirilgan gaz bilan tumanimiz aholisini uzluksiz taʼminlash, xizmat sifatini oshirish borasidagi saʼy-harakatlar davom etaveradi va 2020-2021-yilgi kuz-qish mavsumiga ham puxta hozirlik koʻriladi.

J.YePMETOV, “Amudaryotumangaz” gaz taʼminoti filiali boshligʻi.