QOPAQALPOGʻISTON PESPUBLIKASI JOʻQOPGʻI KENGESI PAISI M.T.YePNIYaZOV VAFOTI MUNOSABATI BILAN HAMDAPDLIK

2020-yil 31-iyul kuni xalqimiz ogʻir judolikka uchradi. Atoqli davlat va jamoat arbobi, Qoraqalpogʻiston Pespublikasi Joʻqorgʻi Kengesi raisi – Oʻzbekiston Pespublikasi Senati Paisining oʻrinbosari, Oʻzbekiston Qahramoni Musa Tajetdinovich Yerniyazov 73 yoshida vafot etdi. Bu voqea butun Oʻzbekiston xalqi, qoraqalpoq eli uchun ulkan yoʻqotish boʻldi.

Xalq deputatlari Amudaryo tuman Kengashi, tuman hokimligi va barcha amudaryoliklar nomidan marhumning oila aʼzolari, yaqinlari va qarindoshlariga chuqur taʼziya izhor qilamiz.

M.Yerniyazov umri davomida Qoraqalpogʻiston xalqi uchun chin dildan fidokorona xizmat qildi. Qanday lavozimda ishlamasin, Vataniga, xalqiga xizmat qilishni oʻzining burchi deb bildi. 18-yildan buyon Qoraqalpogʻiston Pespublikasi Joʻqorgʻi Kengesi raisi lavozimida faoliyat yuritib, jonajon Qoraqalpogʻistonimizning yanada gullab-yashnashi yoʻlida bor kuch, bilim va gʻayratini safarbar qildi. Qoraqalpogʻistonning ijtimoiy va iqtisodiy rivojlanishi, aholi turmushining farovon boʻlishi, hududlarning har tomonlama taraqqiy etishi yoʻlidagi xayrli ishlarga M.Yerniyazov bevosita rahbarlik qildi. Har bir sohada erishilgan salmoqli yutuqlarni qoraqalpogʻistonliklar M.Yerniyazovning nomi va faoliyati bilan bevosita bogʻliq deb biladilar.

Musa Tajetdinovich amudaryoliklar uchun chindan ham qadrli el oqsoqoli edilar. Tumanga qachon tashrif buyurmasin, aholi turmush sharoitini yanada yaxshilash, iqtisodiy va ijtimoiy sohani rivojlantirish yoʻlida muhim tavsiya va takliflarni bildirar edilar. Hatto, tumanning olis qishloqlaridagi dehqon va fermerlarning, quruvchi va bunyodkorlarning, tadbirkor hamda ishbilarmonlarning, oʻqituvchi-yu shifokorlarning, qoʻyingki, har bir soha xodimlarining muammolarini tinglab, ularni oʻzining tashvishidek qabul qilib, tezroq hal qilishga va amaliy yordam berishga oshiqardilar.

Amudaryoliklar Qoraqalpogʻiston ravnaqiga, Oʻzbekiston taraqqiyotiga beqiyos hissa qoʻshgan atoqli davlat arbobi, betakror insonning yorqin xotirasini hech qachon unutmaydilar.

XALQ DEPUTATLAPI AMUDAPYo TUMAN KENGAShI VA AMUDAPYo TUMANI HOKIMLIGI