AMUDARYoDA ChIM USTIDAGI XOKKEY RIVOJLANTIRILADI
Yosh avlod egalarining jismonan sogʻlom va barkamol boʻlib yetishishlarida sport hamda jismoniy tarbiya bilan shugʻullanishlari muhim ahamiyat kasb etadi. Shu boisdan ham yurtimizda sportga boʻlgan eʼtibor tobora kuchaytirilmoqda. Sportning barcha turlari qatorida chim ustida xokkey oʻyinini ham yanada rivojlantirish borasida keng qamrovli ishlar amalga oshirilmoqda.
19-sentyabr kuni tumanimiz yoshlarining chim ustida xokkey sportiga boʻlgan qiziqishlarini yanada oshirish, ularga ushbu sport turi toʻgʻrisida qiziqarli maʼlumotlar berish hamda yoshlar orasida keng targʻib qilish maqsadida chim ustida xokkey sport turi ustalari bilan yoshlar uchrashuvi boʻlib oʻtdi. Amudaryo tumanida chim ustida xokkey sportini keng rivojlantirish maqsadida xalqaro sport ustasi Xvan Igor Anatoliyevich boshchiligidagi bir guruh sport ustalari tumanimizga tashrif buyurdilar. Uchrashuv Qilichboy ovuli hududidagi yosh tadbirkor Jasurbek Matkarimov tashabbusi bilan qurilgan sunʼiy qoplamali sport maydonchasida tashkil qilindi. Sport ustalari yoshlarga chim ustida xokkey sport turining kelib chiqish tarixi, oʻyinning dunyo hamda yurtimiz sporti hayotida tutgan oʻrni, uni oʻynash tartib-qoidalari xususida qiziqarli maʼlumotlar berdilar. Shundan soʻng, tuman yoshlaridan tuzilgan jamoalar oʻrtasida chim ustida xokkey oʻyini musobaqasi tashkil qilindi.
Aytish kerakki, bu kabi uchrashuvlar tuman yoshlarining chim ustida xokkey sportiga boʻlgan qiziqishlarining oshishiga xizmat qiladi.
Charos Arslonova, tuman hokimligining Axborot xizmati rahbari.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
