OZIQ-OVQAT MAHSULOTLARINING SIFATI VA XAVFSIZLIGIGA EʼTIBOR BERISh JUDA MUHIM
Mamlakatimizda ishbilarmonlikka keng yoʻl ochilib berilishi natijasida bugungi kunda qaysi oziq-ovqat savdo shoxobchalariga bormaylik, barcha turdagi oziq-ovqatlar muhayyo ekanligiga guvoh boʻlamiz. Biroq, oziq-ovqat mahsulotlarni sotib olish, saqlash va foydalanishda bir qator qoidalarga amal qilishimiz, oʻzimiz va yaqinlarimiz salomatligini saqlashga ahamiyat berishimiz lozim.
Bunda ushbu mahsulotlarning qanday saqlanayotganligi juda muhim. Yaʼni, oziq-ovqat mahsulotlarning turlariga mos ravishda alohida ajratilgan holda saqlanishiga, tez buziluvchi mahsulotlar maʼlum haroratda, yaʼni muzlatgichlarda saqlanishi, sotuvda turgan oziq-ovqat mahsulotlarning sertifikatlari, saqlanish muddati borligiga, tashqi koʻrinishi va yaroqliligiga mahsulotda yozilgan harorat va sharoitda saqlanayotganligiga, goʻsht va goʻsht mahsulotlarining veterinariya maʼlumotnomasi borligiga, maxsus pavilonlarda sotilishiga, muzlatgichlarda saqlanishiga eʼtibor berish kerak. Shuningdek, sotuvchining tibbiy koʻrikdan oʻtganligi haqida daftarchasi borligiga, maxsus kiyimda savdo qilishiga, uning tozaligiga, qoʻl yuvish uchun shart-sharoitlar yaratilganligi haqida ham qiziqish kerak.
Sotib olgan mahsulotingiz uchun chek olishni unutmang, sababi bu siz shu savdo oʻrnida savdo qilganingizni tasdiqlovchi hujjat.
Agar kimdir sifatsiz boʻlgan oziq-ovqat mahsulotlarini sotib olgan boʻlsa, bu haqda “Isteʼmolchilar huquqini muhofaza qilish jamiyati» va boshqa tashkilotlarga murojaat etishi mumkin.
Oziq-ovqat doʻkonlaridan sifatli va xavfsiz mahsulotlarni sotib olish, oʻzingiz va yaqinlaringizning salomatligini muhofaza qilish – oʻz qoʻlingizda ekanligini unutmang!
Bekzod Tajibayev, Amudaryo tumani Favqulodda vaziyatlar boʻlimi FVDT va FM boʻlinmasi boshligʻi, kapitan.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
