OZIQ-OVQAT MAHSULOTLARINING SIFATI VA XAVFSIZLIGIGA EʼTIBOR BERISh JUDA MUHIM
Mamlakatimizda ishbilarmonlikka keng yoʻl ochib berilishi natijasida bugungi kunda qaysi oziq-ovqat, savdo shoxobchalariga bormaylik, barcha turdagi oziq-ovqat mahsulotlari muhayyo ekanligiga guvoh boʻlamiz. Biroq, oziq-ovqat mahsulotlarini sotib olish, saqlash va foydalanishda bir qator qoidalarga amal qilishimiz, oʻzimiz va yaqinlarimiz salomatligini saqlashga ahamiyat berishimiz lozim.
Ushbu mahsulotlarning qanday saqlanayotganligi juda muhim. Yaʼni, oziq-ovqat mahsulotlarining turlariga mos ravishda alohida ajratilgan holda saqlanishiga, tez buziluvchi mahsulotlar maʼlum haroratda, yaʼni muzlatgichlarda saqlanishi, sotuvda turgan oziq-ovqat mahsulotlarining sertifikatlari, saqlanish muddati borligiga, tashqi koʻrinishi va yaroqliligiga, mahsulotda yozilgan harorat va sharoitda saqlanayotganligiga, goʻsht va goʻsht mahsulotlarining veterinariya maʼlumotnomasi borligiga, maxsus pavilonlarda sotilishiga, muzlatgichlarda saqlanishiga eʼtibor berish kerak. Shuningdek, sotuvchining tibbiy koʻrikdan oʻtganligi haqida daftarchasi borligiga, maxsus kiyimda savdo qilishiga, uning tozaligiga, qoʻl yuvish uchun shart-sharoitlar yaratilganligiga ham qiziqish kerak.
Sotib olgan mahsulotingiz uchun chek olishni unutmang, sababi bu siz shu savdo oʻrnida savdo qilganingizni tasdiqlovchi hujjat.
Agar kimdir sifatsiz boʻlgan oziq-ovqat mahsulotlarini sotib olgan boʻlsa, bu haqda Isteʼmolchilar huquqini himoya qilish jamiyati va boshqa tashkilotlarga murojaat etishi mumkin.
Oziq-ovqat doʻkonlaridan sifatli va xavfsiz mahsulotlarni sotib olish, oʻzingiz va yaqinlaringizning salomatligini muhofaza qilish – oʻz qoʻlingizda ekanligini unutmang!
Bekzod Tajiboyev, Amudaryo tumani Favqulodda vaziyatlar boʻlimi FVDT va FM boʻlinmasi boshligʻi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
