ORZULARI OLAM YoŞLAR

Yurtimizda öquvçi-yoşlarga, ösib kelayotgan yoş avlod kamolotiga qaratilayotgan eʼtibor özining ijobiy samaralarini berib, iqtidorli, intellektual salohiyatli, sanʼat, adabiyot, sport kabi turli sohalarda özligini namoyon etayotgan yoşlar safi tobora köpaymoqda.

Tumanimizdagi 82-sonli umumiy örta taʼlim maktabida  13 ta sinfda 343 nafar öquvçilar taʼlim-tarbiya olişmoqda. 38 nafar oliy maʼlumotli öqituvçilar ularga fan asoslarini puxta örgatiş bilan bir qatorda turli fan, sanʼat, sport, amaliy sanʼat tögaraklariga jalb qilinib, darsdan böş vaqtlarini mazmunli va maqsadli ötkazişga, iqtidorlarini rivojlantirişga harakat qilişayotir.

Maktabda ijodiy qobiliyatga ega öquvçilar köp. Şularning biri 8-sinf öquvçisi Ş.Soliyevadir. U barça fanlarni yaxşi özlaştirişi, odobi bilan köpçilikka ibrat. Şohista böş vaqtlarida köp kitob öqiydi, öqigan asarlari taassurotlarini dugonalari bilan örtoqlaşadi.

Uning bu intilişlari tumanimiz umumiy örta taʼlim maktablari öquvçilari orasida şu yil 13-mart kuni ötkazilgan “Men neçun sevaman Özbekistonni” mavzuida ötkazilgan inşolar tanlovida öz samaralarini berdi. Tuman miqyosida faxrli örinni egalladi.

– Şohista teran fikrlaydigan, dunyoqaraşi keng, qobiliyatli qiz. Bu dars maşğulotlari jarayonida ham sezilib turadi. Şuning uçun uni adabiyot tögaragiga jalb qilganmiz, – deydi uning ona tili va adabiyot fani öqituvçisi Ş.Dösçonova.

Maktabning 3-sinf öquvçisi Z.Jumaboyeva sportning badiiy gimnastika turi bilan şuğullanadi. U 4-yil avval tuman Bolalar-ösmirlar sport maktabida, hozirgi kunda esa Yoşlar işlari agentligi tuman bölimi qoşida faoliyat yuritayotgan badiiy gimnastika tögaragi rahbari, tajribali murabbiy M.Berdiboyeva qöl ostida şuğullanmoqda.

Avvalo Zuhraxonning maktabda ham barça fanlarni aʼlo baholarga özlaştirayotganini alohida eʼtirof etiş darkor. Zuhra har gal musobaqalarga ketganida döstlari unga omad tilab qolişadi, qaytgaç, musobaqa taassurotlarini qiziqib tinglaşadi, yutuqlaridan quvonişadi.

– Har gal turli şaharlarda ötkaziladigan musobaqalarga ketganida xuddi öz bolamni kuzatganday bölaman. Musobaqa borişini hayajonlanib sörab turaman. Har safar, albatta, Zuhra meni xuşxabar bilan quvontiradi, – deydi uning öqituvçisi Yu.Yusupova.

Öqituvçining quvonib eʼtirof etişiça, sinfidagi barça öquvçilar ham qobiliyatli, turli tögaraklarga qatnaşadi. Sultonbek Soliyev Bolalar-ösmirlar sport maktabida kuraş sir-asrorlarining nazariy bilimlarini örganib, maşqlar davomida qobiliyatini rivojlantirişga erişmoqda. U yaqinda BÖSM birinçiligi uçun ötkazilgan musobaqada 32 kg. vaznda faxrli uçinçi örinni, R.Marksov esa 29 kg. vazn toifasida uçinçi örinni egalladilar. Barça sinfdoşlar Zuhra, Sultonbek, Ramazonlardan örnak olişga intilişmoqda.

Darvoqe, Zuhra haqida: juda yoqimtoy, maʼsum, hali bolalikni tark etib ulgurmagan bu nozikkina qizning böyniga agar şu kungaça barça musobaqalarda erişgan medallari ilib qöyilsa, oğirlik qilar-ov desam, lof demang. Jajji qizaloqning yutuqlarini sanasam, “Kiçkina demang bizni”, degan ibora xayolingizga kelişi tayin.

U viloyatlar, tuman miqyosida ötkazilgan oçiq birinçiliklarda birinçi, Toşkent şahrida ötkazilgan “Zolotie listya” deb nomlangan musobaqada 1-örinni egalladi. Şuningdek, mamlakat oçiq birinçiliklarida, xalqaro musobaqalarda ham munosib iştirok etib, faxrli örinlarni egallab kelmoqda.

Uning maşğulotlarini kuzatişning özi u haqdagi taassurotlaringizni boyitadi. U nozikkina jussasidagi imkoniyatlarni mahorat bilan namoyon etadi.

Z.Jumaboyeva özi taʼlim olayotgan maktabda Prezidentimizning yoşlar maʼnaviyatini yuksaltiriş borasidagi ilgari surgan beşta muhim taşabbus ijrosini taʼminlaş maqsadida taşkil etilgan beşta tögarakning  tasviriy sanʼat turi maşğulotlarida ham iştirok etadi. Çor-atrofdagi boşqalar anglamagan, his qilmagan gözallikni idrok etiş, uni öziga xos tasvirlaşga intiliş va taqdim etiş unga xosdir. Buningdek intilişlari natijasida u 2020  yilda “Qalblarga muhrlangan insonlar yodi” mavzusida qölda çizilgan rasmlar onlayn tanlovida faxrli birinçi örinni egalladi.

– Qizimizning yaxşi öqişi, qobiliyatini rivojlantirişi uçun barça şaroitlarni yaratişga intilayapmiz, – deydi uning yutuqlaridan quvonib onasi L.Matyoqubova.

Könglida ulkan-ulkan rejalar jöş urayotgan intiluvçan yoşlarga yana ham ulkan muvaffaqiyatlar yor bölişini tilab qolamiz.

Oygul RAJABOVA.