GULDONANING YuTUQLARI
Toʻlqin ovulidagi 32-sonli umumiy oʻrta taʼlim maktabining 10-sinf oʻquvchisi Guldona Toʻliboyevaning tengqurlaridan ajralib turadigan xislatlari koʻp. U maktabida aʼlo baholarga oʻqish bilan birga badiiy kitoblarni koʻp mutolaa qiladi. Maktabda ona tili va adabiyot, ingliz tili fan toʻgaraklariga, sportning voleybol, shaxmat turlari boʻyicha toʻgaraklariga faol qatnashib, tengdoshlariga namuna boʻlayotir.
Guldonaning intilishlari samarasidan ustozlari va ota – onasining quvonchi cheksiz.U tumanimiz maktablari oʻquvchilari orasida oʻtkazilgan “Men sevgan badiiy asar”, “Oʻzbek tili -iftixorim” mavzularidagi insholar tanlovida gʻolib boʻldi. Uning yana bir yutugʻi 2021-2022 oʻquv yilida fanlar olimpiadasining tuman bosqichida oʻzbek tili va adabiyot fanidan birinchi oʻrinni egallab, respublika miqyosidagi bosqichida ishtirok etib qaytdi. Shuningdek, Toʻlqin ovul fuqarolar yigʻini yoshlar yetakchisi tomonidan ovul yoshlari orasida sportni ommalashtirish , ularning boʻsh vaqtlarini mazmunli tashkil etish maqsadida oʻtkazilayotgan sport musobaqalarda 11 nafar tengdoshlari bilan voleybol boʻyicha ishtirok etib, jamoasining gʻoliblikni qoʻlga kiritishiga ham ulkan hissa qoʻshayapti.
Mamlakatimizda oʻquvchi yoshlarning oʻqib –intilishlari, oʻz intellektual salohiyatlarini namoyish etishlari uchun yaratilayotgan imkoniyatlar Guldonaning orzulariga qanot boʻlayotir. Uning rejalagan niyatlari koʻp. Oʻz bilimini oshirish uchun oʻqib oʻrganishdan, intilishdan charchamaydigan Guldonaning hali muvaffaqiyatlari oldinda.
Fozilbek QURBONBOYeV,
Toʻlqin OFY yoshlar yetakchisi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
