Amudaryo tumanida madaniyat va sanʼat xodimlari kuni keng nishonlandi
Bugun Amudaryo tumani Madaniyat boʻlimi binosida 15-aprel — madaniyat va sanʼat xodimlari kuni munosabati bilan bayram tadbiri oʻtkazildi.
Unda tuman madaniyat boʻlimi va unga qarashli joylardagi madaniyat markazlari, bolalar musiqa va sanʼat maktablari, muzey va boshqa muassasalar xodimlari, sanʼatkorlar va madaniyat sohasida uzoq yillar mehnat qilgan faxriylar, keng jamoatchilik vakillari ishtirok etdi.
Tadbirni Qoraqalpogʻiston Respublikasida xizmat koʻrsatgan madaniyat xodimi Gulmirza Nurmatov ochib berdi.
Tadbirda tuman hokimi oʻrinbosari Mahmud Shermetov soʻzga chiqib, tumanimizdagi barcha madaniyat va sanʼat sohasi fidoyilarini kasb bayramlari bilan tabrikladi va hokimlikning faxriy yorliq hamda esdalik sovgʻalarini topshirdi.
“Uchqun” ashula va raqs xalq ansambli badiiy rahbari Anvar Xudoyberganov, tumandagi 9- va 21-sonli bolalar musiqa va sanʼat maktabi masʼullari mazkur maktablarning 30 nafarga yaqin fidoyi va jonkuyar oʻqituvchilariga Qoraqalpogʻiston Respublikasi Madaniyat vazirligining faxriy yorliqlarini tantanali tarzda topshirdi.
Shundan keyin tadbir dilrabo kuy-qoʻshiqlar va raqslarga ulanib ketdi.
Fursatdan foydalanib, biz yurtimizdagi barcha madaniyat va sanʼat sohasi fidoyilarini mamlakatimizda ilk bora nishonlanayotgan kasb bayramlari bilan samimiy tabriklaymiz. Ularning aholiga madaniy xizmat koʻrsatish, xalqimiz maʼnaviyatini yuksaltirish va sanʼat rivjiga hissa qoʻshish yoʻlidagi mashaqqatli va xayrli ishlarida omadlar yor boʻlishini tilaymiz.
Bayramingiz muborak boʻlsin, qadrli madaniyat va sanʼat sohasi xodimlari!
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
