TUMANIMIZ BOKSChILARI OChIQ BIRINChILIK GʻOLIBI VA SOVRINDORLARI BOʻLIShDI
Shu yilning 12 – 16-aprel kunlari Sirdaryo viloyatining Shirin shahrida 2006- 2007 va 2008 -2009-yillarda tugʻilgan oʻsmirlar hamda katta yoshdagi professional bokschilar oʻrtasida Shirin shahar hokimi kubogi uchun ochiq birinchilik oʻtkazildi.Respublikamizning barcha hududlaridan iqtidorli sportchilar ishtirok etgan ushbu ochiq birinchilik musobaqalari qizgʻin kurashlarga, taassurotlarga boy boʻldi.
Shunisi eʼtiborliki, musobaqada tumanimizning 10 nafar mahoratli bokschilari ishtirok etib, yorugʻ yuz bilan qaytdilar.Xususan, Hojiakbar Berdiboyev, Xursand Baxtiyorov, Javlonbek Jumamurodovlar oʻz vazn toifasida oltin, Umid Davletov,Ruslan Maxsudovlar kumush, Ogʻabek Karimboyev, Asadbek Rustamovlar esa bronza medallarini yengib oldilar. Tumanimizning umidli ,professional boksda faoliyatini boshlagan sportchisi Sardor Shomurodov ham oʻz vazn toifasida eng kuchli ekanligini ringda namoyish etib, gʻalaba qozondi va reytingini koʻtarib oldi. Sportchilarni musobaqaga tajribali murabbiy Obid Usmonov olib bordi va shogirdlarini yaxshi natijalar koʻrsatishga, ringda bor mahoratini koʻrsata olishga ruhlantira oldi.
Tumanimiz boks ixlosmandlari sportchilarimizdan bundan-da yuksak natijalarni kutadi.
Oygul RAJABOVA
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
