Amudaryo tumani 2-sonli kasb-hunar maktabi faoliyatiga bir nazar
Mamlakatimizda oʻrta maxsus professional taʼlim tizimida amalga oshirilayotgan keng qamrovli islohotlar oʻsib kelayotgan yosh avlodda intellektual qobiliyatlar va kasbiy bilimlarni rivojlantirishni koʻzda tutadi. Shu maqsadda Oʻzbekiston Respublikasi Prezidentining 2019-yil 6-sentyabrdagi “Professional taʼlim tizimini yanada takomillashtirishga doir qoʻshimcha chora-tadbirlar toʻgʻrisida”gi farmoniga asosan Amudaryo xizmat koʻrsatish va servis kasb-hunar kolleji negizida Amudaryo tumani 2-sonli kasb-hunar maktabi qayta tashkil qilindi.
Taʼlim muassasasi YuNESKO tashkiloti tomonidan qabul qilingan Xalqaro standart tasniflagichning 3-darajasiga mos keluvchi taʼlim dasturlari asosida umumiy oʻrta taʼlim maktablarining 9-sinf bitiruvchilaridan kadrlar tayyorlaydi.
Mazkur oʻquv maskani 360 nafar oʻquvchi oʻrniga moʻljallangan boʻlib muassasada faollar zali, sport zali va sport maydonchalari, 150-oʻrinli oʻquv ishlab chiqarish ustaxonasi mavjud.
Shuningdek, axborot kutubxona kompyuter texnologiyalari bilan taʼminlangan boʻlib, Ziyonet.uz axborot tarmogʻiga hamda optik tolali internet tolalariga ulangan. Shuningdek kutubxonada 8 ming 860 dona ilmiy va badiiy adabiyotlar fondi mavjud boʻlib bilimga chanqoq yoshlar undan samarali tarzda foydalanishmoqda.
Undan tashqari, 2-sonli kasb-hunar maktabida fizika, kimyo, biologiya, labarotoriyalari va avtomobillarni taʼmirlash, chet tillari lingafon xonalari, tikuvchilik, chizmachilik maxsus xonalari shuningdek, avtomobillarga texnik xizmat koʻrsatish va taʼmirlash, yoʻl harakati qoidalari, payvandlovchi, gaz va suv tizimlarini taʼmirlash, tikuvchilik, elektrotexnika apparatlarini taʼmirlash, oshpaz va qandolatchi, ustaxonalari mavjud oʻquvchi-yoshlar malakali ustozlaridan olgan bilim va koʻnikmalarini mana shu ustaxonalarda amaliyotda qoʻllab oʻz tajribalarini oshiradilar.
Joriy yilda kasb-hunar maktabida avtomobillarni taʼmirlash chilangari, avtomobil yurish qismlariga texnik xizmat koʻrsatish va taʼmirlash chilangari, tikuvchi,payvandlovchi, gaz va suv isteʼmol nazoratchi operatori, oshpaz, qandolatchi, axborot vositalari mashinalari va kompyuter tarmoqlari operatori, kasblari buyicha 377 nafar oʻquvchi yoshlar oʻqitilmoqda. Ularga 24 nafar malakali oʻqituvchi va 13 nafar ishlab chiqarish taʼlim ustalari taʼlim tarbiya berib kelmoqdalar.
Bundan tashqari kasb-hunar maktabida 20 ta fan va sport toʻgaraklari tashkil qilingan boʻlib, har bir oʻquvchi oʻzi tanlagan kasb boʻyicha nazariy va amaliy bilimlarini oshirib kelmoqdalar.
Shuningdek, oʻquvchi-yoshlar ustozlaridan olgan bilim va koʻnikmalarini mustahkamlash maqsadida tumanimizdagi 17 korxona va tashkilotlarda amaliyot davrini oʻtamoqdalar.
Taʼlim muassasasining asosiy maqsadlaridan biri yoshlarni tadbirkorlikka yoʻnaltirish boʻlib, bu borada yerishilayotgan yutuqlar alohida eʼtirofga sazavor.
Ayrim oʻquvchilar oʻzining tanlagan kasbi boʻyicha ustozlaridan taʼlim olib oʻz tadbirkorlik faoliyatini yoʻlga qoʻyishgan. Ularga maktabning malakali ustozlari tomonidan doimiy ravishda yoʻl-yoʻriq koʻrsatilib tavsiyalar berib kelinmoqda.
Shu oʻrinda aytish lozimki, bugungi kunda yoshlarning bandligini taʼminlash va kasb-hunar egallashlariga imkon yaratish dolzarb masala boʻlib turgan bir vaqtda kasb-hunar maktablarining faoliyati samarali tashkil etilayotgani quvonarli holdir. Amudaryo tumani 2-sonli kasb-hunar maktabi jamoasi ham bu borada yuqori natijalarga erishishni oʻz oldlariga maqsad qilib qoʻyganlar.
Tuman hokimligining Axborot xizmati
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
