TAʼLIM JARAYoNIDA OʻQUVChILARNING OTA-ONALARI BILAN HAMKORLIK QILISh IJOBIY SAMARA BERADI
Hozirgi kunning dolzarb muammolaridan biri ota-onalar va oʻqituvchilarni samarali muloqot qilishi va bir-birini toʻgʻri tushunishidir. Oʻzaro hurmat munosabatlari bilan birgalikda ijobiy maktab muhiti mutaxassislar, ota-onalar, vasiylar va oʻqituvchilarga dasturlar va xizmatlar bilan bogʻliq muammolarni ular mojarolar manbaiga aylanmasdan oldin hal qilish uchun konstruktiv hamkorlikda ishlashga yordam beradi.
Oʻqituvchi ham ota-onani faol tinglashi kerak. Yechimlar va usullarga berilib ketish shunchalik osonki, oʻqituvchilar oʻquvchi uchun eng samarali boʻlgan narsa haqidagi fikr-mulohazalarini oʻtkazib yuborishlari mumkin. Ota-onalar qaysi tayanchlar ishlayotganini, qaysi biri ishlamayotganini aniqlashga yordam beradi va muvaffaqiyatga taʼsir qiladigan oʻzgarishlarni amalga oshirishga yordam beradi.
Mavzuga oid masalani chuqurroq tahlil qilish maqsadida oʻquvchilarning ota-onalari ishtirokida anonim kichik surovnoma oʻtkazilish mumkin. Soʻrovnoma natijasida maktab-ota-ona, oʻqituvchi oʻrtasidagi munosabatlar taxlil qilinadi. Soʻrovnoma "Farzandingiz kelajakda qaysi yoʻnalishni tanlashini istaysiz?", "Farzandingiz bilan uyda birgalikda dars tayyorlaysizmi?", "Farzandingiz bilan birga (taʼlim uchun) kuniga necha soat shugʻullanasiz?", "Farzandingiz bilan birga uy vazifalarini bajarishda qiyinchiliklarga duch kelganmisiz?" kabi savollardan tashkil topsa maqsadga muvofiq boʻladi.
Oʻqituvchi ota-onalar bilan ishlash mahoratiga ega boʻlsagina taʼlimda samaraga erishishi mumkin. Chunki, bolalar taʼlimida ota-ona nazorati baribir zarur. Amaliyot shuni koʻrsatadiki, oʻzi qiziqib dars tayyorlaydigan boladan koʻra faqat ota-ona nazorati ostida shugʻullanayotgan oʻquvchining ham koʻrsatkichi doim yuqori foizda boʻladi. Dars tayyorlashni istamagan farzand bilan shugʻullanishda ota-onalarga audio, video, kitob, qoʻllanma va maqola koʻrinishidagi tavsiyalar yordamchi boʻlishi mumkin.
Demak, ota-onalar farzandining taʼlimi uchun asosan fanlar boʻyicha repetitor xizmati va chet tillarni oʻrganish uchun pulli xizmatlardan foydalanadi. Kam boʻlsa-da, sport-sogʻlomlashtirish mashgʻulotlari, kasb-hunarga oʻqitish va musiqiy taʼlim uchun haq toʻlaydiganlar ham bor. Bundan ota-onalar "Eng yaxshi sarmoya – taʼlimga kiritilgan sarmoya" tushunchasiga tobora koʻproq ega boʻlib borayotganini anglash mumkin.
Ota-onalar oʻrtasida oʻtkazilgan soʻrovnomadan ular farzandining taʼlimiga befarqmi yoki eʼtiborlimi shuni aniqlash mumkin. Yana bir foydali tomoni shuki, ota-ona iloji boricha taʼlimda ishtirok etishga, bu jarayonda yuzaga keladigan muammolarni yechishga harakat qiladi. Ularga zarur tavsiyalar berish, yoʻl-yoʻriq koʻrsatish, taʼlimdagi ishtirokini ragʻbatlantirish, bu boʻyicha motivatsiya berish muhimdir.
Sarvinoz Karimova, 31-sonli maktab psixologi.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
