Kasb-hunar maktabi bitiruvchisi yangi hayot ostonasida
Amudaryo tumanida yoshlarni har tomonlama qoʻllab-quvvatlash, tadbirkorlik qobiliyatlarini roʻyobga chiqarish, kasbga oʻqitish, hunar egallashi hamda oʻz ustida ishlab, malakalarini oshirishlari uchun barcha shart-sharoitlar yaratilgan.
Bu borada oʻrta maxsus professional taʼlim tizimida amalga oshirilayotgan keng qamrovli islohotlar oʻsib kelayotgan yosh avlodda intellektual qobiliyatlar va kasbiy bilimlarni rivojlantirishda alohida ahamiyat kasb etadi.
Qilichboy ovulida yashovchi Muhabbat Yoʻldosheva joriy oʻquv yilida Amudaryo tumani 2-sonli kasb-hunar maktabini tikuvchilik yoʻnalishi boʻyicha tugatdi.
Ushbu taʼlim muassasasining asosiy maqsadlaridan biri− yoshlarni tadbirkorlikka yoʻnaltirish boʻlib, bu borada erishilayotgan yutuqlar alohida eʼtirofga sazovor.
Ayrim oʻquvchilar oʻzining tanlagan kasbi boʻyicha ustozlaridan taʼlim olib, oʻz tadbirkorlik faoliyatini yoʻlga qoʻyishgan. Ularga maktabning malakali ustozlari tomonidan doimiy ravishda yoʻl-yoʻriq koʻrsatilib, tavsiyalar berib kelinmoqda.
Muhabbat ham hozirgi kunda kasb-hunar maktabida egallagan bilim hamda koʻnikmalari asosida oliy taʼlim muassasasiga dizaynerlik yoʻnalishi boʻyicha hujjat topshirishni niyat qilgan.
Muhabbat tikuvchilikning sir-asrorlarini, avvalo, onasi Nargiza Saparboyevadan oʻrgangan boʻlsa, kasb-hunar maktabida ustozlari − Gulchehra Sultonova hamda Sharofat Fayzullayeva unga bor bilimlarini berib, mohir tikuvchi boʻlib yetishishiga katta hissa qoʻshdilar.
Oʻzining intiluvchanligi, qolaversa, ustozlari yordami bilan Muhabbat imtiyozli kredit asosida oʻziga yangi tikish mashinasi sotib oldi hamda onasi bilan birgalikda tikuv-chevarlik tsexini ochib, oʻz faoliyatini boshladi.
Bugungi kunda u hamqishloqlariga goʻzal liboslar tikib berish barobarida yuqori daromad manbaiga ega boʻlib, 2 nafar hamqishlogʻining ham bandligini taʼminlashga erishdi.
Muhabbatning oʻzi istagan oliy taʼlim muassasasiga oʻqishga kirishiga omad hamda tadbirkorlik faoliyatiga muvaffaqiyat tilaymiz!
F.Eshimbetova.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
