Senator Mahalla va nuroniylarni qoʻllab-quvvatalash boʻlimi binosida fuqarolarning muammo va takliflarini tingladi
Senator Batir Matmuratov Mahalla va nuroniylarni qoʻllab-quvvatalash boʻlimi binosida fuqarolar bilan uchrashib, ularning muammo va takliflarini tingladi.
Kuyuk koʻpir ovulida istiqomat qiluvchi Qurbonoy Matkarimova turmush oʻrtogʻining bemorligini va Toshkent shahrida oʻtkaziladigan operatsiya hamda dori-darmonlari uchun amaliy yordam berilishini soʻrab murojaat qildi. Ushbu murojaat qisqa muddatda ijobiy hal qilinishiga kelishib olindi.
Shuningdek, Chordara mahallasida yashovchi Bahrom Sabirov mahallasining “Maxtumquli” koʻchasiga asfalt qoplamasini yotqizish hamda 3-sonli maktabgacha taʼlim tashkilotiga qorovul boʻlib ishga joylashishda amaliy yordam soʻradi.
Qabul davomida Bobur ovulida istiqomat qiluvchi fuqaro Shavkat Tajiyev oʻgʻli Akbar Habibullayevning yuragini operatsiya qildirish uchun order berilishini soʻradi. Murojaat shu yerning oʻzida ijobiy hal qilindi.
Qabulga faqat muammoli fuqarolar emas, balki muammolari tuman Xalq qabulxonasi tomonidan ijobiy xal qilingan fuqarolardan Umida Tajiboyeva hamda Yulduz Abdullayevlar ham kelib, doimiy ishga joylashganligi uchun masʼullarga minnatdorlik bildirishdi.
Senator qabuliga kelgan hech bir fuqaroning murojaatini eʼtibordan chetda qolmadi. Har bir murojaat imkon qadar ijobiy yechim topishi taʼkidlandi.
Tuman hokimligining Axborot xizmati.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
