MAHORATLI USTOZ

Agar oʻqituvchi mahoratli boʻlsa, har qanday fanni oʻquvchilar ongiga adabiyot, sheʼriyat darajasida singdira oladi. Amudaryo tumanidagi 6-sonli umumtaʼlim maktabining kimyo fani oʻqituvchisi Aqljon Seytmurodova ana shunday mahorat sohibasi edi. Uning kimyoviy reaktsiyalar, Mendeleyev davriy tizimidagi elementlar haqidagi biri-biridan qiziqarli  dars-mashgʻulotlarini har bir oʻquvchisi alohida qiziqish bilan oʻzlashtirishardi. Rufat Shomurodov esa ustozi kabi kimyo fani oʻqituvchisi boʻldi.

Umumtaʼlim maktabida aʼlo ba-holarga oʻqigan Rufat 1999-yilda Berdaq nomidagi Qoraqalpoq dav-lat Universitetining kimyo fakul-tetini muvaffaqiyatli tamomladi. U ilk ish faoliyatini 1999-yilda 45-sonli maktabning kimyo fani oʻqituvchisi sifatida boshladi.

Yosh va bilimdon mutaxassis hamisha  talabgir boʻladi. U 2003-yildan oʻz faoliyatini  oʻzi tahsil olgan 6-sonli maktabda davom ettirdi. Mana, 22-yildirki, R.Sho-murodov nafaqat 6-sonli maktab oʻquvchilarining sevimli ustozi, balki maktab pedagogika jamoa-sida oʻz shaxsiy fikriga, ish uslubiga ega tajribali oʻqituvchi sifatida obroʻ-eʼtibor topdi.

R.Shomurodovning har bir dars-mashgʻuloti oʻquvchilar uchun qizi-qarli taassurotlarga boy, maroqli oʻtadi. U mavzuni darslikda qanday boʻlsa, shunday oʻtmaydi, har bir mav-zuni atrofimizdagi olam bilan, hayot bilan bogʻliq ravishda tushun-tirish orqali oʻquvchilar ongida oʻz faniga nisbatan mehr va qiziqish uygʻotadi.  

Oʻqituvchining mahorati, bilim va salohiyati shogirdlari kamolida aks etib turadi. Shu nuqtai nazardan qaraganda R.Shomurodovning oʻqituv-chilik faoliyati havas va ehtiromga munosib. Uning oʻquvchilari orasi-da bilimlar bellashuvining tuman bosqichi gʻoliblari, mazkur bel-lashuvning Respublika bosqichi ish-tirokchilari va sovrindorlari bor.

R.Shomurodovning shogirdlari orasida kimyo fani oʻqituvchilari, tibbiyot sohasining  fidoyilari, farmatsevtika sanoati bilim-donlari talaygina. Ayni paytda Toshkent Tibbiyot akademiyasining 4-5-bosqichlarida taʼsil olayotgan sobiq oʻquvchilari Rufat bilan tez-tez  telefon orqali bogʻlanib, kimyo faniga oid ayrim masalalarda maslahatlar olishadi.

– Kimyo fani kirib bormagan sohaning oʻzi yoʻq, – deydi Rufat boʻlgʻusi shifokor shogirdlarining yutuqlari haqida soʻzlarkan. – Ayniqsa, tibbiyot sohasida bu fan har kuni, har soatda zarur. Dorishunoslikda esa kimyo fanini oʻta kuchli bilish talab etiladi.

2020-2021 oʻquv yilida Rufatning  bir yoʻla  9 nafar oʻquvchisi OTM talabalari boʻlishdi. Quvonarlisi shundaki, ulardan 5 nafari Tibbiyot institutiga, 4 nafari esa peda-gogika institutining kimyo fakultetiga oʻqishga qabul qilindilar.
– Xudo xohlasa, Bobur nomli qish-logʻimizga yana bir necha yildan soʻng bir vaqtning oʻzida 5 nafar oliy maʼlumotli shifokor, 4 nafar kimyo fani oʻqituvchilari OTMlarni bitirib kelishadi, – deydi mamnuniyat bilan Rufat.

Rufat nafaqat malakali oʻqituvchi, balki oilaparvar ota, mulohazali umr yoʻldoshi – baxtli oila sohibi. Umr yoʻldoshi Bahor Rajabova ham pedagog. 6-sonli maktabning malakali matematika fani oʻqituvchisi. Uch nafar farzandni aqlli, intiluvchan insonlar qilib tarbiyalashda biri-biriga yelkadosh va hamfikr. Mehr-muhabbat, oʻzaro hurmat hokim boʻlgan bu baxtiyor oila tarbiyasini olgan bir oʻgʻil va ikki qiz 6-sonli maktabning eng aʼlochi, intizomli oʻquvchilari.
Umumxalq bayrami – 1-oktyabr – Oʻqituvchi va murabbiylar kuni arafasida R.Shomurodovni yoʻqlovchi shogirdlari orasida oʻz kasbiy fao-liyati bilan elga manzur boʻlayotgan shifokorlar, oʻqituvchilar, turli kasb egalari koʻp boʻladi. El-yurt uchun qilgan mehnati shogirdlari timsolida elga manzur boʻlayotgani-ni koʻrib, his etish ustoz uchun baxt. Rufat Shomurodov ana shunday baxt sohibi.

Robiya YOʻLDOShEVA.