9-sonli maktabda xorijiy tillarni chuqur oʻrgatishga alohida eʼtibor berilmoqda

Bugungi kunda dunyo ilmlarining asosiy qismi xorijiy tillar ulushiga toʻgʻri keladi. Inson xorijiy tillarni bilishi natijasida yangi madaniyatlar bilan tanishishi, zamonaviy kasblarni oʻrganishi, dunyo voqealardan doimiy xabardor boʻlishi mumkin. Prezidentimizning 2021-yil 19-maydagi “Oʻzbekiston Respublikasida xorijiy tillarni oʻrganishni ommalashtirish faoliyatini yangi bosqichga olib chiqish chora tadbirlari toʻgʻrisida”gi qarori xorijiy tillarni oʻrganish talabini yangi bosqichga olib chiqdi.

Mamlakatimizning barcha maktablarida har yili noyabr oyida rus tili va xorijiy tillar fan oyligi oʻtkazib kelinadi. Fan oyligi uyushqoqlik bilan oʻtkazilishi natijasida oʻquvchilarning xorijiy tillarni oʻrganshiga qiziqishi oshyapdi. Shu kabi tadbirlardan biri Amudaryo tumanidagi 9-sonli maktabda ham oʻtkazildi.

Fan oyligi davomida maktabda rasmlar tanlovi, rus va ingliz tili faniga doir musobaqalar, reja sosida namunali darslar tashkil qilinishi natijasida oʻquvchilarda xorijiy tillarni oʻrganishga ishtiyoq yanada oshdi.

Tadbir avvalida maktab oʻqituvchilari Haytgul Bobojonova, Zivar Davlatboyeva hamda Gulimbat Sharipovlar xorijiy tillarni bilish insonga keng imkoniyatlar eshigini ochishi, yangicha tafakkurga kalit vositasini bajarishi takidlab oʻtdilar. Oʻquvchilarga soʻnggi yillarda mamlakatimizda xorijiy tillarni oʻrganish uchun yaratilayotgan imkoniyatlar haqida maʼumot berildi. Sohaga doir qabul qilingan qonun va qonunosti hujjatlarining hayotimizdagi amaliy ahamiyati tushuntiridi.

Oʻqituvchilar Murod Abdullayev va Tursunoy Sobirovalar xorijiy tillarni bilish darajasini baholovchi xalqaro tan olingan sertifatlar bilan nufuzli xalqaro universitetlarning talabasi boʻlish mumkinligi, xorijiy tillar dunyoga yoʻl ochishi, zamon bilan hamnafas yashash vositasi ekanligi haqida oʻzlarining fikrlarini bildirishdi.

Tadbir davomida oʻquvchilar fanga doir bilimlari bilan, xorijiy tillardagi sheʼrlarni ifodali oʻqib, qoʻshiqlar kuylab, faol ishtirok etishdi. Oʻzida chet el madaniyatini ifoda etgan raqslar har xil oʻyinlar kechaga fayz bagʻishladi. Xorij adabiyoti asosida tayyorlangan sahna koʻrinishlarida oʻquvchilar aktyorlik mahoratlarini ham nomoyish etdi.

Tabir yakunida oʻqituvchilar Norimbat Ibragimov, Gulxumor Xudoyberganova, Arslon Jumabekov, Olmaxon Jumabekova, Sherzod Yuldashev, Dilafroʻz Aytmuratovalar tadbir xaqidagi xulosalarini bayon qilishdi. Oʻquvchilarga faol ishtiroki uchun minnatdorchilik bildirildi va ragʻbat sifatida kitoblar sovgʻa qilindi.

Fan oyligi doirasidagi bu kabi tadbirlar oʻquvchilarning bilim olishga boʻlgan ishtiyoqini yanada oshirishi shubhasiz.

Shohzod Qurbonboyev