TIL VA DIL QUDRATI

Maʼrifat va madaniyat jilvakori, adabiyot choʻqqisining porlagan yulduzi Nizomiddin Mir Alisher Navoiy 1441-yili 9-fevralda Hirot shahrida dunyoga keldi. Taqdir Alisher Navoiyni zamonaning ulugʻ va sharafli kishilariga yaqin qildi.
Alisher Navoiy  28 yoshida ham diniy, ham dunyoviy ilmlarni egallab, Temuriylar saroyida katta lavozimlarda ish olib bordi. Navoiy ikki tilda ijod qildi. U turkiy tildagi ijodiga “Navoiy”, forsiy tildagi ijodiga esa “Foniy” taxallusini qoʻlladi. Alisher Navoiy umrining oxirgi yillarida yaratgan “Mahbubul-qulub” (“Koʻngillarning sevgani”) risolasida ijtimoiy-falsafiy, axloqiy gʻoyalar toʻliq ifodalangan boʻlib, XV asrda mavjud boʻlgan barcha ijtimoiy toifalar mohiyati mufassal ochib berilgan. U “Mahbubul-qulub” asarida mansabdor shaxslarning psixologik olami haqida fikr yuritadi.
Navoiy oʻz ijodi bilan oʻzbek adabiyotining rivojini belgilabgina qolmay, butun turkiy xalqlarning madaniyatiga, taraqqiyotiga juda katta taʼsir koʻrsatdi. Alisher Navoiy ijodini oʻrganish, uning ilmiy tahlili boʻyicha soʻnggi yillarda olib borilayotgan keng koʻlamli ishlar, yosh ijodkorlar gʻayratiga-gʻayrat bagʻishlamoqda.
Navoiy nomini abadiylashtirish maqsadidagi salmoqli ishlar esa hamon davom etib, butun jahon miqyosida olib borilmoqda.

Xursand Maʼrifatov, 38-sonli maktab oʻquvchisi.