PARAZITAR KASALLIKLARDAN HIMOYaLANISh BOʻYIChA OʻQUV-SEMINAR BOʻLIB OʻTDI
Oʻzbekiston Respublikasi hududiga karantinli, oʻta xavfli va boshqa yuqumli kasalliklarning chetdan kirib kelishi va tarqalishidan muhofaza qilish, ayniqsa, parazitar kasalliklarga qarshi kurashish, aholi oʻrtasida bu borada keng tushuntirish ishlarini olib borish maqsadida Qoraqalpogʻiston Respublikasi sanitariya-epidemiologiya osoyishtalik va jamoat salomatligi boshqarmasi buyrugʻiga koʻra, ayni kunlarda tumanlardagi dezinstruktor va dezinspektorlarning bilim saviyasini oshirishda oʻchoqli dezinfektsiya, dezinsektsiya, deratizatsiya ishlarini oʻtkazish boʻyicha oʻquv-seminarlari tashkillashtirilmoqda.
Ana shunday oʻquv-seminari Amudaryo tumani Sanitariya-epidemiologiya osoyishtalik va jamoat va salomatligi boʻlimida ham oʻtkazilib, unda “Aholining sanitariya-epidemilogik osoyishtaligi toʻgʻrisida”gi Oʻzbekiston Respublikasi Qonuni hamda sohaga oid bir qator Prezident Farmon va Qarorlari, Oʻzbekiston Respublikasi Vazirlar Mahkamasining 2019-yil 18-noyabrdagi “Oʻzbekiston Respublikasining Davlat chegarasi orqali oʻtkazish punktlarida chegara, bojxona, sanitariya-karantin, fitosanitariya va veterinariya nazoratini tashkil etish tartibini yanada takomillashtirish toʻgʻrisida”gi Qarori ijrosini taʼminlashga qaratilgan dolzarb vazifalar xususida Qoraqalpogʻiston Respublikasi Sanitariya-epidemiologiya va jamoat salomatligi boshqarmasi mutaxassislari tomonidan qiziqarli maʼruzalar oʻqildi.
Soha mutaxassislari, Amudaryo tuman Sanitariya-epidemiologiya osoyishtalik va jamoat va salomatligi boʻlimi dezinstruktorlari va dezinfektorlari, aholi vakillari ishtirokida oʻtkazilgan seminar oʻquv mashgʻulotlarida dezinfektor va dezinstruktorlarning eng muhim vazifalari toʻgʻrisida masʼullar tomonidan atroflicha tushunchalar berildi. Xususan, yuqumli kasalliklar oʻchogʻida oʻtkaziladigan zararsizlantirish boʻyicha chora-tadbirlar, bezgak va leyshmanioz kasalligini tashuvchi va tarqatuvchilarga qarshi kurashish, dezinfektsiya vositalarining ishchi eritmasini tayyorlash boʻyicha ishlar amalda koʻrsatib berildi.
Shuningdek, dezinfektsiya vositalarining ishchi eritmasini tayyorlash jarayonida texnika xavfsizligi qoidalariga rioya etish, bir marta foydalaniladigan himoya niqoblaridan toʻgʻri foydalanish yuzasidan tushuncha va tavsiyalar berildi. Bundan tashqari, parazitar kasalliklarga qarshi kurash choralarini qoʻllashda, ayniqsa, kasallikni oʻchogʻida bartaraf etishda eʼtibor qaratilishi lozim boʻlgan asosiy vazifalar boʻyicha mutaxassislar tomonidan tegishli maʼlumotlar berildi.
Oʻquv-seminari davomida ishtirokchilar oʻzlarini qiziqtirgan savollar bilan murojaat qildilar. Barcha savollarga mutaxassislar tegishlicha javoblar berish bilan birga ishtirokchilarning xohish-istagiga koʻra, maboda, parazitar kasallik paydo boʻlganida eng avval qanday himoya choralarini qoʻllash zarurligini amalda koʻrsatib berdilar.
Robiya YOʻLDOShEVA.
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
▶
