AMUDARYoLIK OSIYo KUBOGI ĞOLIBI, YoŞ FUTBOLÇI TAQDIRLANDI

Yurtimizda yoşlarga qaratilayotgan eʼtiborning ijobiy natijalariga adabiyot, sanʼat, madanaiyat, sport, qöyingki, barça sohalarda ham yaqqol guvoh bölayapmiz.

Şu yilning 18-mart kuni mamlakatimiz tarixida muhim sana sifatida qayd etildi. Şu kuni futbol böyiça 20 yoşgaça bölgan öyinçilar örtasidagi Osiyo Kubogi – 2023 final bosqiçida Özbekiston yoşlar jamoasi iroqlik yoş futbolçilarga qarşi maydonga tuşib, ğalaba qozondi.

Mazkur öyinni Prezidentimiz Şavkat Mirziyoyev va boşqada davlat rasmiylari, sport sohasi masʼullari “Bunyodkor” stadionida köpsonli muxlislar qatorida tomoşa qilişdi. Ğalaba naşidasini yoş futbolçilarimiz davlatimiz rahbari bilan birga nişonlaşdi. Taqdirlaş marosimida iştirok etgan Prezident boş sovrin – Osiyo Kubogini jamoaga topşirdi.

Futbolda erişilgan bu ğalaba heç bir özbekistonlikni befarq qoldirmadi desak, adaşmagan bölamiz. Xususan, amudaryoliklarga yoş futbolçilar yutuği Navrözi olam şodliklariga şodlik qöşdi. Uşbu ğolib jamoa aʼzosi, 5-raqamli himoyaçi Javohir Ötamurodov tumanimiz öğloni ekanligi esa faxrdir.

U 2004-yilda Tölqin ovulida tuğilgan. Boşlanğiç sinflarni 32-sonli maktabda, keyinçalik Nukus şahridagi 27-maktabda öqidi. Futbolga qiziqişi tufayli muntazam maşğulotlarga qatnaşdi. Nukus Olimpiya zahiralari sport kollejida öqidi. Maktab, kollej öquvçisi davrida futbol musobaqalarida mahoratini namoyiş etib, soha mutaxassislari eʼtiborini qozongani bois 2018-yildan 2021-yilgaça “Nasaf” futbol akademiyasi tarbiyalanuvçisi böldi, hozirgi kunda “Nasaf” futbol klubi markaziy himoyaçisi, 2022-yildan 20 yoşgaça bölgan futbol terma jamoasi aʼzosi. Şu kungaça öndan ortiq davlatlar yoşlari bilan bölgan bellaşuvlarda qatnaşib, ğalabaga munosib hissa qöşdi, Xitoy yoşlari bilan bölgan bahsda yagona gol muallifi böldi.

Osiyo Kubogi öyinlari yakunlanganidan söng tumanimizga qaytgan futbolçini Nukus xalqaro aeroportida hukumat vakillari tantanali kutib olişdi.

Uning ğalaba quvonçlarini birga baham köriş uçun tuğilgan uyiga kelişi haqiqiy bayramga aylanib ketdi. Otasi, enasi, dadasi, onasi, qarindoşlari, ustozlari sinfdoşlari, qöni-qöşnilar jam bölib, göyo töy böldi. “Prezident sovğasi” yozuvi tuşirilgan, Yurtboşimiz sovğa qilgan Özbekistonda işlab çirqarilgan “Jentra” avtomobili kalitini otasiga sovğa qilib, unga, enasini, bobo-buvisini ham maşinaga ötqazib qöyganida Javohir Ötamurodovga barça havas qildi.

22-mart kuni Javohir Ötamurodov Yoşlar işlari agentligi tuman bölimi va Bolalar-ösmirlar sport maktabi tomonidan ham munosib taqdirlandi. U “Navröz kubogi” sport musobaqalarining sektor ğoliblari bölgan Tölqin, Xolimbeg ovullari, Beruniy, Qizilçoli mahallalari futbol jamoalari bellaşuviga yiğilgan yoşlar bilan uçraşdi. Çordara mahallasidagi sunʼiy qoplamali mini futbol maydonçasida futbolsevar yoşlarga mahorat darsi ötdi, birgalikda markaziy hujumçi sifatida öynadi.

Osiyo kubogi ğolibiga yoşlar özlarini qiziqtirgan savollar bilan murojaat qilişdi. Javohir ularga batafsil javoblar berib, ularning futboldagi faoliyatiga, öqiş, işlariga muvaffaqiyatlar tiladi.

Osiyo kubogi ğolibi Javohir Ötamurodov bilan ötkazilgan uçraşuv, mahorat darsi yoş futbolçilarimizga ulkan mativatsiya berdi, özlariga bölgan işonçini oşirdi.

Sevara Ismoilova.